გარემოსდაცვითი ინფორმაციისა და განათლების ცენტრში ჩატარდა შეხვედრა წყლის გლობალური პარტნიორობის (Global Water Partnership), რომლის მიზანია გარემოს დაცვისა და კლიმატის ცვლილების სფეროში (წყლის რესურსების მაგალითზე) ქალების ჩართულობის გაფართოება. შეხვედრას ესწრებოდნენ აზერბაიჯანის და თურქმენეთის დელეგაციის წევრები, რომლებაც მიიღეს ინფორმაცია გარემოს დაცვისა და სოფლის მეურნეობის სამინისტროს საქმიანობას.
შეხვედრაზე გარემოს დაცვისა და სოფლის მეურნეობის სამინისტროს გარემოს და კლიმატის დეპარტამენტის თანამშრომლებმა ნინო გოხელაშვილმა,მარიამ მაკაროვამ, მაია ჯავახიშვილმა დელეგაციის წევრებს გაუზიარეს საკუთარი გამოცდილება და ისაუბრეს საქართველოში არსებული გამოწვევების შესახებ. ასევე განხილული იქნა წყლის რესურსების მართვის, კლიმატის ცვლილების და ინფორმაციაზე ხელმისაწვდომობის საკითხები. შეხვედრა წარიმართა კითხვა-პასუხის რეჟიმში.
25.02.2020

გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ორგანიზებით დედოფლისწყაროს მუნიციპალიტეტის საჯარო სკოლების სამოქალაქო განათლების, ბიოლოგიის, გეოგრაფიის პედაგოგებსა და სკოლამდელი აღზრდის დაწესებულებების აღმზრდელ-მეთოდისტებს ჩაუტარდათ ტრენინგები “გარემოსდაცვითი და აგრარული საკითხების ინტეგრირება სასწავლო პროცესებში”, რომლებიც მიზნად ისახავდა პედაგოგების ცნობიერების ამაღლებასა და, შედეგად, სასწავლო პროცესებში გარემოსდაცვითი და აგრარული საკითხების ინტეგრირების ხელშეწყობას.

გარემოსდაცვითი ინფორმაციისა და განათლების ცენტრის წარმომადგენლებმა ტრენინგების ფარგლებში ძირითადი ყურადღება დედოფლისწყაროს მუნიციპალიტეტში მიწის დეგრადაციის პრობლემასა და მინდვრის გადაწვის მავნე პრაქტიკაზე გაამახვილეს. აგრარული სფეროს გამოწვევებთან ერთად, ყურადღება დაეთმო ისეთ გარემოსდაცვით საკითხებს, როგორიცაა ატმოსფერული ჰაერის ხარისხი სოფლად და მისი დაბინძურების გამომწვევი მთავარი მიზეზი-ფოთლების დაწვის მავნე პრაქტიკა, ბიომრავალფეროვნების კარგვა და კლიმატის ცვლილება. თეორიულ ნაწილთან ერთად, ტრენინგები პრაქტიკულ სავარჯიშოებსაც მოიცავდა და მასწავლებლები და აღმზრდელ-მეთოდისტები აქტიურად ჩაერთვნენ გამართულ დისკუსიებში. მონაწილეებს ასევე საჩუქრად გადაეცათ საინფორმაციო ბროშურები და სხვა სასწავლო მასალები, რომელთა გამოყენებასაც სწავლებისას შეძლებენ.

გარემოსდაცვითი და აგრარული საკითხების საგანმანათლებლო პროცესებში ინტეგრირების მიზნით ტრენინგები დაგეგმილია ახმეტისა და გარდაბნის მუნიციპალიტეტების საჯარო სკოლებისა და სკოლამდელი აღზრდის დაწესებულებების მასწავლებლებისთვისაც. ტრენინგების ფარგლებში სულ 200-მდე მასწავლებლის გადამზადებაა დაგეგმილი.

ტრენინგების შემდგომ ეტაპზე, გადამზადებული პედაგოგები და აღმზრდელ-მეთოდისტები სსიპ გარემოსდაცვითი ინფორმაციისა და განათლების ცენტრის მიერ გამოცხადებულ კონკურსებში ჩაერთვებიან და შეძლებენ მიღებული ცოდნის გამოყენებას მოსწავლეებისათვის სხვადასხვა სახის გარემოსდაცვითი აქტივობების დაგეგმვისას.

24.02.2020

არაქართულენოვანი სკოლების ინტეგრაციის პროექტის ფარგლებში გარდაბნის რაიონის სოფელ მუღანლოს საჯარო სკოლის მოსწავლეები გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრში მინისტრის მოადგილეს ნინო თანდილაშვილს შეხვდნენ. მინისტრის მოადგილე მოსწავლეებს გარემოს დაცვის მნიშვნელობაზე ესაუბრა.

“ძალიან მიხარია, რომ დღეს მოხვედით გარემოსდაცვითი ინფორმაციისა და განათლების ცენტრში და დაინტერესებული ხართ ჩვენი სამინისტროს საქმიანობით და გარემოსდავითი საკითხებით. სამინისტროს ერთ-ერთი უმთავრესი ფუნქცია გარემოს დაცვაა. დამეთამხმებით, რომ ჩვენს ქვეყანას ლამაზი ბუნება აქვს, რომელსაც სჭირდება მოფრთხილება. სკოლის მოსწავლეებისთვის გვაქვს არაერთი კონკურსი და პროექტი. წელს გამოვაცხადეთ მიღება ეკოლიდერთა სკოლაში, სადაც შეგიძლიათ მიიღოთ მონაწილეობა, გაიგოთ მეტი გარემოს დაცვის შესახებ და შეხვდეთ დარგის სპეციალისტებს. გარემოს დაცვის მიმართულებით მნიშვნელოვანია შესაბამისი სპეციალისტების ყოლა, ეს სფრო დღითიდღე პოპულარული ხდება ახალგაზრდებში და იმედი გვაქვს უფრო მეტი ისწავლის ამ მიმართულებით. ჩვენი სამინისტროს კარები არის ღია ყველა მოსწავლისთვის, რომლებიც დაინტერესებულები არიან გარემოს დაცვის და სოფლის მეურნეობის საკითხებით” - აღნიშნა ნინო თანდილაშვილმა.

მოსწავლეებს გარემოსდაცვითი ინფორმაციისა და განათლების ცენტრში ჩაუტარდათ ლექცია თემაზე “მდგრადი განვითარება”, რაც მიზნად ისახავდა მოსწავლეების ცნობიერების ამაღლებას გარემოსდაცვით და აგრარულ საკითხებზე. ვიზიტის ფარგლებში მოსწავლეემა დაათვალიერეს გარემოს ეროვნულის სააგენტოს ლაბორატორია, სადაც შესაძლებლობა ჰქონდათ წყლის, ნიადაგისა, ჰაერის სინჯების ქიმიური და მიკრობიოლოგიური ანალიზების დამუშავების პროცესი ენახათ. გარდაბნის სკოლის მოსწავლეები ასევე იმყოფებოდნენ ღვინის ეროვნულ სააგენტოში, დაათვალიერეს ღვინის მუზეუმი, უძველესი მარანი და ენოთეკა, სადაც სხვადასხვა სახეობის 25 000 ბოთლი ღვინო ინახება, მათ შორის უნიკალური ქართული ჯიშის ღვინოები.

23.02.2020

სსიპ გარემოსდაცვითი ინფორმაციისა და განათლების ცენტრის განათლების პროექტების სამსახურის უფროსი ლაშა ლობჯანიძე ევროკომისიის მიწვევით ქალაქ ბრიუსელში იმყოფებოდა, სადაც კლიმატის დირექტორატის მიერ ორგანიზებულ აღმოსავლეთ პარტნიორობის ქვეყნების შეხვედრაში მიიღო მონაწილეობა, შეხვედრის მიზანს ქვეყნებს შორის გარემოსდაცვითი განათლების მიმართულებით გამოცდილების გაზიარება და სამომავლო თანამშრომლობის გაღრმავება წარმოადგენდა, ლაშა ლობჯანიძემ დამსწრე საზოგადოებასა და პარტნიორი ქვეყნების წარმომადგენლებს საქართველოს გარემოს დაცვისა და სოფლის მეურნეობის სამინისტროსა და სსიპ გარემოსდაცვითი ინფორმაციისა და განათლების ცენტრის მიერ კლიმატის ცვლილების შესახებ ცნობიერების ამაღლების და განათლების მიმართულებით ქვეყანაში განხორციელებული და დაგეგმილი პროგრამების, პროექტებისა და შედეგების შესახებ მოახსენა.

 
19.02.2020

საჯარო განხილვის მიზნით ქვეყნდება საქართველოს გარემოს დაცვისა და სოფლის მეურნეობის სამინისტროს მიერ მომზადებული "სამრეწველო ემისიების შესახებ" საქართველოს კანონპროექტი თანმდევ კანონპროექტებთან ერთად.

კანონპროექტის შემუშავება გათვალისწინებულია „ერთის მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებსა და მეორეს მხრივ, საქართველოს შორის ასოცირების შესახებ შეთანხმებით“. კანონპროექტი ეფუძნება „სამრეწველო ემისიების შესახებ“ 2010 წლის 24 ნოემბრის ევროპარლამენტისა და საბჭოს 2010/75/EU დირექტივას და ადგენს სამრეწველო საქმიანობის შედეგად ატმოსფერულ ჰაერში, წყალში და მიწაში ემისიებთან დაკავშრებულ ახალ სამართლებრივ რეჟიმს, მათ შორის, დაბინძურების გამომწვევი სამრეწველო საქმიანობებისთვის ინტეგრირებული ნებართვის გაცემის წესს, პირობებს, პირობების შესრულების კონტროლს, სახელმწიფო ორგანოებისა და ფიზიკური/იურიდიული პირების უფლება/მოვალეობებს და სხვა.  

კანონის პროექტის საჯარო განხილვა გაიმართება 2020 წლის 13 მარტს, 15:00 საათზე, საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის საკონფერენციო დარბაზში (მისამართი: მარშალ გელოვანის #6, ადმინისტრაციული შენობის II კორპუსი, II სართული). აქვე აღსანიშნავია, რომ კანონპროექტის თავდაპირველი ვერსია, საქართველოს გარემოს დაცვისა და სოფლის მეურნეობის სამინისტროს ვებ-გვერდზე, გამოქვეყნებული იყო 2019 წლის  24 აპრილს.

 

გთხოვთ, კანონპროექტთან დაკავშირებული შენიშვნები და წინადადებები წარმოადგინოთ 2020 წლის 10 მარტამდე შემდეგ ელექტრონულ მისამართზე: Akaki.Veltauri@mepa.gov.ge.

 

კანონპროექტის საჯარო განხილვაზე დასწრება თავისუფალია! სურვილის შემთხვევაში, გთხოვთ, გვაცნობოთ 2020 წლის 13 მარტამდე (ელ.ფოსტა: Akaki.Veltauri@mepa.gov.ge. მობ: 591 819 611).

19.02.2020
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ორგანიზებით სოფლისა და სოფლის მეურნეობის განვითარების სააგენტოს (ARDA) რეგიონული სამსახურის თანამშრომლებს გარემოსდაცვითი განათლების საკითხებზე ტრენერთა ტრენინგი ჩაუტარდათ.
სასწავლო კურსი სამი დღის განმავლობაში მიმდინარეობდა და მოიცავდა ისეთ თემებს როგორიცაა: ნარჩენების მართვა, წყლის რესურსების მდგრადი მართვა, ტყე და ბიომრავალფეროვნება, პრეზენტაციისა და კომუნიკაციის ტექნიკები.
ტრენინგის მთავარ მიზანს წარმოადგენდა სოფლისა და სოფლის მეურნეობის განვითარების სააგენტოს (ARDA) - რეგიონული სამსახურის თანამშრომლების შესაძლებლობების გაძლიერების ხელშეწყობა.
13.02.2020
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ გამყოფ ხაზთან მდებარე სოფელი დიცის საჯარო სკოლაში ჩატარდა ტრენინგი „გარემოსდაცვითი განათლება საგანმანათლებლო დაწესებულებებისათვის“. ტრენინგში მონაწილეობდნენ გამყოფ ხაზთან მდებარე სოფელ დიცის, არბოს, მერეთისა და კარბის სკოლებისა და სკოლამდელი აღზრდის დაწესებულებების წარმომადგენლები.
ვიზიტის მიზანი გამყოფი ხაზის სოფლებში არსებული საგანმანათლებლო დაწესებულების წარმომადგენლებისთვის გარემოსდაცვითი საკითხების სწავლების შესახებ ტრენინგების გამართვა იყო.
ტრენინგზე შეკრებილ საზოგადოებას გარემოსდაცვითი ინფორმაციისა და განათლების ცენტრის დირექტორმა თამარ ალადაშვილმა მიმართა და გარემოსდაცვითი განათლების მნიშვნელობაზე ესაუბრა. ცენტრის დირექტორი გამყოფი ხაზის სოფლების საგანმანათლებლო დაწესებულებების წარმომადგენლებს გარემოსდაცვითი საგანმანათლებლო პროექტების განხორციელებაში დახმარებას და სამომავლო თანამშრომლობას დაპირდა.
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრი გარემოსდაცვითი განათლების ხელსეწყობის ფარგლებში გააგრძელებს საგანმანათლებლო აქტივობების განხორციელებას გამყოფი ხაზის მიმდებარებ მდებარე სოფლების სასწავლო დაწესებულებებისთვის.
12.02.2020
სსიპ გარემოსდაცვითი ინფორმაციისა და განათლების ცენტრში გარემოს დაცვისა და სოფლის მეურნეობის სამინისტროს სსდ გარემოსდაცვითი ზედამხედველობის დეპარტმენტის თბილისში მომუშავე ინსპექტირებისთვის ტრენინგი გაიმართა. ტრენინგები მიზნად ისახავდა საქართველოში ბენზინის შენახვას და დისტრიბუციის, ასევე ლაქებსა და საღებავებში აქროლადი ორგანული ნაერთების (აონ) შემცველობის კუთხით დაგეგმილი ევროპული მოთხოვნების გაცნობას და მათი აღსრულების შესაძლებლობების გაძლიერებას. აღნიშნული მოთხოვნების შესრულება უზრუნველყოფს ბენზინის შენახვა დისტრიბუციიდან და ლაქ-საღებავების გამოყენებიდან აონ-ების გაფრქვევების და მისგან წარმოქმნილი მიწისძირა ოზონის კონცენტრაციის შემცირებას.
ტრენინგს უძღვებოდნენ ევროპელი და ქართველი ექსპერტები, რომელთაც ინსპექტორებს გააცნეს აონ-ების გაფრქვევის შემცირების მიზნით დაგეგმილი მოთხოვნების საკანონმდებლო საფუძვლები და გაუზიარეს ინსპექტირების საუკეთესო თანამედროვე ევროპული გამოცდილება. მნიშვნელოვანია, რომ ახალი რეგულაციების შემოღება, რაც გულისხმობს აღნიშნული მიმართულებებით ევროპული სტანდარტების დაწესებას, ხელს შეუწყობს საქართველო-ევროკავშირის შორის ასოცირების შესახებ შეთანხმების ფარგლებში აღებული ვალდებულების შესრულებას.
ტრენინგები ევროკავშირის მიერ დაფინანსებული პროექტის ‘’მხარდაჭერა ევროკავშირი-საქართველოს ასოცირების ხელშეკრულების გარემოსდაცვითი დებულების განხორციელების” ფარგლებში გაიმართა.
08.02.2020
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ სოფლისა და სოფლის მეურნეობის განვითარების სააგენტოსთან (ARDA) თანამშრომლობით სამინისტროს ცხელი ხაზის ოპერატორებს ტრენინგი ჩაუტარდა, რომელის მიზანი მათთვის სისტემის შესახებ განახლებული ინფორმაციის მიწოდება იყო, ოპერატორებს სამინისტროს დაქვემდებარებაში არსებული ყველა გარემოსდაცვითი დეპარტამენტი და სსიპ-ის წარმომადგენლები შეხვდნენ. ტრენინგის ფარგლებში გადამზადდა ცხელი ხაზის 24 თანამშრომელი.
05.02.2020
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრში ბორჯომის მუნიციპალიტეტის სხვადასხვა სკოლის მოსწავლეებისთვის ცნობიერების ასამაღლებელი ლექცია-სემინარი “ეკოსისტემური სერვისები” გაიმართა. ლექციის ფარგლებში მოსწავლეებმა მიიღეს ინფორმაცია ისეთ საკითხებზე, როგორიცაა: ეკოსისტემური სერვისები, სერვისების შეფასების მეთოდები და მათი მდგრადი მართვის მნიშვნელობა.
შეხვედრის ფარგლებში მოსწავლეებმა შეასრულეს ჯგუფური სამუშაო და ეკოსისტემური სერვისების მდგრადი გამოყენების შესახებ საკუთარი მოსაზრებები წარმოადგინეს.
04.02.2020

გაეროს განვითარების პროგრამის (UNDP) დაფინანსებით, პროექტის “პროფესიული განათლებისა და ექსტენციის მოდერნიზება საქართველოს სოფლის მეურნეობაში’’ ფარგლებში ჩატარდა გასვლითი შეხვედრა საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის თანამშრომლებისათვის. შეხვედრა მიზნად ისახავდა სოფლის მეურნეობის მიმართულებით ცენტრის თანამშრომლების ცოდნის გაღრმავებას, გუნდური მუშაობის უნარების გაუმჯობესებასა და გარემოსდაცვითი ინფორმაციისა და განათლების ცენტრსა და UNDP-ის შორის თანამშრომლობის კიდევ უფრო გაღრმავებას.

შეხვედრა გახსნა გარემოს დაცვისა და სოფლის მეურნოების მინისიტრის მოადგილემ ნინო თანდილაშვილმა, რომელმაც აღნიშნა რომ სამინისტროსა და UNDP - ის თანამშრომლობის გაღრმავება ძალიან მნიშვნელოვანია. შეხვედრის ფარგლებში გარემოსდაცვითი ინფორმაციისა და განათლების ცენტრში შემავალი სამსახურების წარმომადგენლებმა წარმოადგინეს პრეზენტაციები მათ მიერ 2019 წელს განხორციელებული პროექტებისა და 2020 წლის გეგმების შესახებ. შეხვედრის მონაწილეებმა გაეროს განვითარების პროგრამის წარმომადგენლებთან ერთად ასევე იმსჯელეს სოფლის მეურნეობის მიმართულებით, UNDP-თან თანამშრომლობით, ახალი პროექტების განხორციელების შესაძლებლობებზე.

02.02.2020

2020 წლის 29 იანვარს ევროკავშირის მიერ დაფინანსებული პროექტის "ევროკავშირსა და საქართველოს შორის ასოცირების შესახებ შეთანხმების გარემოსდაცვითი დებულებების განხორციელების ხელშეწყობა’’ ფარგლებში საქართველოს გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტთან თანამშრომლობით ჩატარდა საკონსულტაციო-სამუშაო შეხვედრა ბიომრავალფეროვნების მონიტორინგის სისტემის განვითარების შესახებ (NBMS). 


შეხვედრას სამთავრობო სექტორის წარმომადგენლებთნ ერთად ესწრებოდნენ სხვადასხვა ორგანიზაციების, მათ შორის, არასამთავრობო ორგანიზიების - ნაკრესისა და საბუკოს, მსოფლიო ბანკის, გერმანიის საერთაშორისო თანამშრომლობის საზოგადოების (GIZ) და კავკასიის ბუნების ფონდის წარმომადგენლები, რომელთაც ერთმანეთს გაუზიარეს თავიანთი გამოცდილება და ცოდნა. 

 
სამუშაო შეხვედრის ფარგლებში ექსპერტებმა საქართველოდან, ლიეტუვადან, ჰოლანდიიდან და რუმინეთიდან შეხვედრის მონაწილეებს გაუზიარეს საუკეთესო გამოცდილება და რეკომენდაციები ბიომრავალფეროვნების მონიტორინგის სისტემის განსავითარებლად საქართველოში.

 
შეხვედრის მსვლელობისას ხაზი გაესვა თანამშრომლობისა და მონაცემების გაზიარების  მნიშვნელობას ბიომრავალფეროვნების მონიტორინგის სისტემის განსავითარებლად.

 
2020 წელი  საქართველოსთვის განსაკუთრებით მნიშვნელოვანია, რადგანაც ამ წელს იგეგმება ეროვნული კანონმდებლობის შემუშავება ბიომრავალფეროვნების მონიტორინგის სისტემის განსაახლებლად.  

 
პროექტი "ევროკავშირსა და საქართველოს შორის ასოცირების შესახებ შეთანხმების გარემოსდაცვითი დებულებების განხორციელების ხელშეწყობა’’ დაეხმარება საქართველოს, შეასრულოს ევროკავშირსა და საქართველოს შორის ასოცირების შესახებ შეთანხმების გარემოსდაცვითი დებულებები და უკეთ დაიცვას საკუთარი ბუნება, შეამციროს დაბინძურება და გააუმჯობესოს ჰაერის ხარისხი. პროექტის განმახორციელებელი პარტნიორია კონსორციუმი TRANSTEC- ის ხელმძღვანელობით.

30.01.2020
 1 2 3 4 5 6 7 8 9 10 
Displaying results 49-60 (of 680)

Latest news