გარემოს დაცვისა და სოფლის მეურნეობის სამინისტროსა და CENN-ის თანამშრომლობით  ბულაჩაურის მწვანე ცენტრში ახალი სტუდენტური პროგრამის „მწვანე ეკონომიკის სკოლის“ საზეიმო გახსნა გაიმართა. პროგრამა მიზნად ისახავს საუნივერსიტეტო რესურსების დაკავშირებას მიმდინარე სახელმწიფო და საერთაშორისო ეკონომიკურ პროგრამებთან. 

„მწვანე ეკონომიკის სკოლის“ გახსნაზე შეკრებილ სტუდენტებს, სხვადასხვა უნივერსიტეტის რექტორებს და მოწვეულ სტუმრებს გარემოს დაცვისა და სოფლის მეურნეობის მინისტრის მოადგილემ გელა ხანიშვილმა სიტყვით მიმართა, რომელმაც ყურადღება გაამახვილა  პროგრამაში მონაწილე სტუდენტებისთვის დაფინანსების შესაძლებლობებზე მცირე ბიზნესისა და ადგილობრივი ეკონომიკის განვითარების ხელშეწყობისთვის მიმდინარე ინიციატივების ფარგლებში.

პროგრამაში მონაწილეობს საქართველოს ექვსი უნივერსიტეტიდან კონკურსის წესით შერჩეული 20 სტუდენტი, რომლებიც გადამზადდებიან და გაიგზავნებიან საქართველოს რეგიონებში ტყის რესურსების გამოყენების საოჯახო, კერძო, სათემო, მუნიციპალური, ან ეროვნული მოდელების შესამუშავებლად. 

“პილოტირებისთვის, წარმოდგენილი პროექტები პროგრამის ფარგლებშივე დაფინანსდება და სტუდენტების უშუალო მონაწილეობით განხორციელდება”- განაცხადა CENN-ის დირექტორმა ნანა ჯანაშიამ.

მდგრადი განვითარების მიზნებისა და სოფლის განვითარების სტრატეგიული ამოცანების შესასრულებლად და „მწვანე ეკონომიკის სკოლის“ მხარდასაჭერად, CENN-თან  გარემოსდაცვითი ინფორმაციისა და განათლების ცენტრმა, ეროვნულმა სატყეო სააგენტომ და უნივერსიტეტებმა მრავალმხრივი ურთიერთანამშრომლობის მემორანდუმი გააფორმეს.

პროგრამა ინიცირებულია პროექტის - ტყის მდგრადი მართვა სოფლის განვითარებისათვის ფარგლებში, რომელიც ხორციელდება ავსტრიის თანამშრომლობა განვითარებისათვის / Austrian Development Cooperation ფინანსური მხარდაჭერით

 
24.07.2019

გარემოსდაცვითი ინფორმაციისა და განათლების ცენტრის წარმომადგენლებმა  მარნეულის N2-ე საჯარო სკოლის მიერ ორგანიზებული საზაფხულო სკოლის მოსწავლეებისათვის ლექციები გამართეს. საზაფხულო სკოლა, რომელიც 2017 წლიდან რეგულარულად იმართება, ძირითადად ეთნიკური უმცირესობებითაა წარმოდგენილი. 2019 წელს სკოლა სხვა მნიშვნელოვან საკითხებთან ერთად გარემოსდაცვით პრობლემატიკასაც მიეძღვნა.  

ცენტრის წარმომადგენლები ორი დღის განმავლობაში თეორიული და პრაქტიკული აქტივობების გამოყენებით სკოლის მოსწავლეებს ინფორმაციას აწვდიდნენ ისეთი  მნიშვნელოვანი საკითხების შესახებ, როგორებიცაა: ზოგადი გარემოსდაცვითი პრობლემები, გაუდაბნოება და ნიადაგის დეგრადაცია, ატმოსფერული ჰაერის დაბინძურება, ნარჩენების მართვა და ბიომრავალფეროვნების მნიშვნელობა.

სეზონისა და მუნიციპალიტეტის სპეციფიკის გათვალისწინებით სკოლის მოსწავლეებს ასევე ჩაუტარდათ ინტერაქციული ლექცია-სემინარი ქვეწარმავლების შესახებ. მათ ინფორმაცია მიიღეს ქვეწარმავლების მნიშვნელობაზე, მათთან მოქცევის წესებზე და გაეცნენ გველების საქართველოში გავრცელებულ  სახეობებს. სკოლის მოსწავლეებს ასევე დაურიგდათ საინფორაციო ბროშურები, რომელშიც დეტალურადაა აღწერილი ქვეწრმავლებთან ქცევის რეკომენდირებული და არარეკომენდირებული წესები.

 
23.07.2019

კანონით „ნარჩენების მართვის კოდექსი“ კომპანიებს, რომლებიც წლის განმავლობაში 200 ტონაზე მეტ არასახიფათო, 1000 ტონაზე მეტ ინერტულ ან ნებისმიერი რაოდენობის სახიფათო ნარჩენს წარმოქმნიან, ეკისრებათ ვალდებულება, ჰყავდეთ ნარჩენების მართვაზე პასუხისმგებელი პირი - „გარემოსდაცვითი მმართველი“.

სსიპ გარემოსდაცვითი ინფორმაციისა და განათლების ცენტრის ინიციატივით გარემოსდაცვითი მმართველისთვის შემუშავდა შესაბამისი მოდული, რომელიც ნარჩენების მართვის სფეროში არსებულ ყველა მოთხოვნას ითვალისწინებს. სასწავლო კურსში მონაწილეობა შეუძლიათ როგორც კომპანიების მიერ წარმოდგენილ კანდიდატებს, ისე ნებისმიერ დაინტერესებულ პირს. 

სასწავლო კურსი კომპანიებს საშუალებას აძლევს, ჰყავდეთ კანონით დაკისრებული მოთხოვნებისა და თანამედროვე სტანდარტების გათვალისწინებით გადამზადებული კადრი. 

სასწავლო კურსი კი ამ კომპანიებისთვის შესაბამისი კადრების გადამზადებას და კვალიფიკაციის ამაღლებას უზრუნველყოფს. კურსს მრავალწლიანი გამოცდილების მქონე დარგის სპეციალისტები უძღვებიან.

გარემოსდაცვითი ინფორმაციისა და განათლების ცენტრმა 364 პირი გადაამზადა, რომელთა უმრავლესობა (80%) დასაქმებულია გარემოსდაცვითი მმართველის პოზიციაზე.

 
22.07.2019

გარემოსდაცვითი ინფორმაციისა და განათლების ცენტრმა CENN-ის მიერ აქტიური მასწავლებლებისთვის ორგანიზებულ მწვანე ბანაკში მიიღო მონაწილეობა. 

 

ცენტრის დირექტორის მოადგილემ ეკატერინე ბენდელიანმა მასწავლებლებს გარემოსდაცვითი ინფორმაციისა და განათლების ცენტრის საქმიანობის, მიმდინარე და დაგეგმილი პროექტების შესახებ პრეზენტაცია წარუდგინა. განსაკუთრებით ყურადღება გამახვილდა იმ აქტივობებზე, რომელშიც მასწავლებლებს სამომავლოდ შეეძლებათ ჩართვა და ცენტრთან თანამშრომლობა.

 

ღონისძიების ფარგლებში, გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელმა ნოე მეგრელიშვილმა ისაუბრა ატმოსფერული ჰაერის დამბინძურებლების, დაბინძურების წყაროებისა და ადამიანის ჯანმრთელობაზე მათი ზეგავლენის შესახებ. ასევე, ატმოსფერული ხარისხის გაუმჯობესების მიმართულებით არსებული წინსვლაზე, ჰაერის ხარისხის მონიტორინგისა და შეფასების სისტემის გაუმჯობესებაზე. მან დამსწრე საზოგადოებას დეტალურად გააცნო სამინისტროს მიერ შექმნილი ატმოსფერული ჰაერის ხარისხის პორტალი www.air.gov.ge, რომელიც ნებისმიერ დაინტერესებულ პირს აძლევს შესაძლებლობას, უწყვეტად მიიღოს ინფორმაცია ჰაერის ხარისხის შესახებ საქართველოს ყველა იმ ქალაქიდან, სადაც ჰაერის ხარისხზე დაკვირვება მიმდინარეობს. 

 

შეხვედრა ინტერაქტიულ რეჯიმში მიმდინარეობდა და მასწავლებლებმა მათ მიერ დასმულ შეკითხვებზე ამომწურავი პასუხები მიიღეს.

 
18.07.2019

გარემოსდაცვითი ინფორმაციისა და განათლების ცენტრის დირექტორი თამარ ალადაშვილი გარემოს დაცვის საკითხებზე “ახალი სკოლის მოდელი”- ის ექსპერტებისთვის გამართულ ტრენინგების მიმდინარეობას გაეცნო.

ცენტრის დირექტორი პროექტისათვის შერჩეულ კურიკულუმის ექსპერტებს სკოლებში გარემოსდაცვითი განათლების ხელშეწყობის მნიშვნელობაზე ესაუბრა და მათ წარმატებული გარემოსდაცვითი აქტივობებით დატვირთული სასწავლო წელი უსურვა.

ცენტრის წარმომადგენლებმა 5 დღის მანძილზე პროექტისათვის შერჩეულ კურიკულუმის ექსპერტებს გარემოს დაცვის საკითხებზე ტრენინგები ჩაუტარეს. ტრენინგი თეორიულ ნაწილთან ერთად მოიცავდა პრაქტიკულ ნაწილსაც, რომლის დროსაც მონაწილეები თეორიულ მასალაზე დაყრდნობით სხვადასხვა ტიპის პრაქტიკულ დავალებებს ამუშავებდნენ. პრაქტიკული დავალებები მოიცავდა გარემოსდაცვითი საკითხების არა მარტო ფორმალურ, არამედ არაფორმალურ სწავლებაში ასახვასაც.
 

დატრენინგებული პირები სექტემბრიდან პროგრამისთვის შერჩეულ სკოლებში სხვადასხვა ღონისძიებასთან ერთად გარემოსდაცვითი საკითხების სწავლების ხელშეწყობაზეც იმუშავებენ, რაშიც ტრენინგების განმავლობაში შედგენილი აქტივობები დაეხმარებათ. 

 

„ახალი სკოლის მოდელი“ - განათლების სისტემაში დაგეგმილი რეფორმის ნაწილია. მისი მიზანია, ჩამოაყალიბოს კრიტიკულ აზროვნებაზე, პიროვნებაზე ორიენტირებული საგანმანათლებლო გარემო, რომელიც მოზარდს 21-ე საუკუნის გამოწვევებისთვის საჭირო ცოდნას და უნარ-ჩვევებს მისცემს.

 
16.07.2019

გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი ავსტრიის გარემოს დაცვის სააგენტოს აღმასრულებელ დირექტორს, გეორგ რიბერნინგს შეხვდა. სამინისტროს დელეგაცია ვიზიტის ფაგრლებში გაეცნო ავსტრიის, როგორც ნარჩენების მართვის სფეროში ერთ-ერთი მოწინავე ქვეყნის გამოცდილებას, კერძოდ ქვეყნის ინსტიტუციურ მოწყობას და მწარმოებლის გაფართოებული ვალდებულების (მგვ) ავსტრიული მოდელის იურიდიულ და ტექნიკურ ასპექტებს მგვ-ს დაქვემდებარებული ნარჩენების შეგროვებისა და დამუშავების ტექნოლოგიებს. 

 

"ავსტრიას აქვს გრძელვადიანი გამოცდილება  ევროპაში თანამედროვე ნარჩენების მართვის პრინციპების დანერგვაში და მოხარული ვართ, გავუზიაროთ ჩვენი გამოცდილება და მხარი დავუჭიროთ საქართველოს ევროკავშირთან თანამშრომლობის გაძლიერებას" - განაცხადა ავსტრიის გარემოს დაცვის სააგენტოს აღმასრულებელმა დირექტორმა.

 

ვსტრიის გარემოს დაცვის სააგენტოსთან ერთად, სამინიტროს და ევროკავშირის ტექნიკური დახმარების პროექტის ფარგლებში - „ნარჩენების მართვის სექტორის რეფორმის მხარდაჭერა საქართველოში“  შეხვედრები გაიმართა ქ. ვენასა და ქ. ზალცბურგში მდგრადი განვითარების და ტურიზმის ფედერალური სამინისტროს ნარჩენების მართვის დირექტორატთან, ავსტრიული შეფუთვის, ელექტრო და ელექტრონული ნარჩენების და ბატარეების მაკონტროლებელ ორგანოსთან (Clearing-House), ვენის და ზალცბურგის მერიების, მგვ-ს რეგიონული ასოციაციების და მგვ ორგანიზაციების წარმომადგენლებთან. დელეგაციის წევრები ასევე იმყოფებოდნენ  ნარჩენების თანაინსინერაციის (Pfafenau-ს), ელექტრონული მოწყობილობების და ლუმინესცენტური ნათურების წინასწარი დამუშავების, ნარჩენების შეგროვების ცენტრებსა და დამუშავების საწარმოებში.

 

შეხვედრების მიზანს წარმოადგენდა ავსტრიის ნარჩენების მართვის არსებული სისტემის და ქვეყნის გამოცდილების, მწარმოებლის გაფართოებული ვალდებულების (მგვ) განხორციელების, ნარჩენების ეროვნული რეესტრის წარმოების, ცნობიერების ამაღლების და მუნიციპალურ დონეზე სხვადასხვა სპეციფიკური ნარჩენების მართვის საკითხების გაზიარება

 
12.07.2019

გარემოსდაცვითი ინფორმაციისა და განათლების ცენტრში სასწავლო კურსი - „გარემოსდაცვითი მმართველი“ დაიწყო. მონაწილეებს სიტყვით მიმართა ცენტრის დირექტორმა თამარ ალადაშვილმა და მათ წარმატებული სასწავლო პროცესი უსურვა.

 

„გარემოსდაცვითი მმართველის“ სასწავლო კურსი კომპანიებს საშუალებას აძლევს, ჰყავდეთ კანონით დაკისრებული მოთხოვნებისა და თანამედროვე სამყაროს სტანდარტების გათვალისწინებით გადამზადებული კადრები, რომლებიც შეძლებენ კომპანიის ნარჩენების მართვის გეგმის მომზადება - განხორციელებას და საქართველოს კანონმდებლობის მოთხოვნებით გათვალისწინებული საკითხების შესრულებაზე შიდა კონტროლის განხორციელებას.

 

სასწავლო კურსს მრავალწლიანი გამოცდილების მქონე დარგის სპეციალისტები უძღვებიან და მასში მონაწილეობა შეუძლია, როგორც კომპანიების მიერ წარმოდგენილ კანდიდატებს, ასევე ყველა დაინტერესებულ პირს.

 
 
08.07.2019

გარემოსდაცვითი ინფორმაციისა და განათლების ცენტრისა და კავკასიის რეგიონული გარემოსდაცვითი ცენტრის (REC Caucasus) ორგანიზებით პოსტერების კონკურსი ,,გაუდაბნოებასთან ბრძოლისა და მიწის მდგრადი მართვის პერსპექტივები საქართველოში” ჩატარდა.

შერჩეული საუკეთესო პოსტერების ავტორებისთვის გამართულ ღონისძიებაზე მონაწილეებს სიტყვითგარემოსდაცვითი ინფორმაციისა და განათლების ცენტრის დირექტორის მოადგილემ ეკატერინე ბენდელიანმა მიმართა. 

ღონისძიების ფარგლებში, მიწის რესურსების დაცვის სამმართველოს უფროსმა ნინო ჩიქოვანმა კონკურსის მონაწილეებს წაუკითხა ლექცია-სემინარი გაუდაბნოების საკითხებზე. მონაწილეებმა საკუთარი ნამუშევრები წარადგინეს.

კონკურსის შერჩეულ მონაწილეებს სერტიფიკატი, ხოლო ჟიურის მიერ გამოვლენილ სამ საუკეთესო პოსტერის ავტორს ბიბლუსის ვაუჩერი გადაეცათ.

კონკურსი ჩატარდა პროექტის "ლანდშაფტისა და მიწის რესურსების მდგრადი მართვის დანერგვა სასოფლო ტერიტორიებზე მიწის დეგრადაციისა და სიღარიბის შემცირების მიზნით" ფარგლებში. აღნიშნული პროექტი ინიცირებულია საქართველოს გარემოს დაცვისა და სოფლის მეურნეობის სამინისტროს მიერ (2016-2019 წელი), პროექტს აფინანსებს გლობალური გარემოსდაცვითი ფონდი (GEF), განმახორციელებელია გაეროს გარემოს დაცვის პროგრამა (UNEP), აღმასრულებელი - კავკასიის რეგიონული გარემოსდაცვითი ცენტრი (REC Caucasus). 

პროექტის მიზანია სოფლად, ეკონომიკურად ეფექტიანი მექანიზმის დანერგვის მიზნით ლანდშაფტისა და მიწის მდგრადი მართვის პრინციპებისა და პრაქტიკის ინტეგრირება ეროვნულ პოლიტიკასა და ინსტიტუციურ ჩარჩოებში.

 
05.07.2019

სასტუმროში “ჰოლიდეი ინ” საერთაშორისო ფონდი "Green for Growth” ორგანიზებით „მწვანე ბიზნეს ფორუმი 2019“ გაიმართა. ფორუმზე მოხსენებით წარსდგნენ საქართველოს გარემოს დაცვისა და სოფლის მეურნეობის სამინისტროს წარმომადგენელი ნინო ჯანელიძე და მერიის გარემოსდაცვის სამსახურის ხელმძღვანელი გიგა გიგაშვილი. 

 

სიტყვით გამოსვლისას მომხსენებლებმა ისაუბრეს მწვანე ეკონომიკისა და მწვანე ბიზნესის ხელშეწყობაზე, ასევე მცირე და საშუალო საწარმოების ხელშეწყობაზე. საქართველოს გარემოს დაცვისა და სოფლის მეურნეობის სამინისტროს წარმომადგენელმა ნინო ჯანელიძემ ყურადღება გაამახვილა საზოგადოების  გარემოსდაცვითი ცნობიერებისა დონის ამაღლების მნიშვნელობაზე და გარემოსდაცვითი ინფორმაციისა და განათლების ცენტრის როლზე აღნიშნული მიმართულებით.

 

ფორუმი დისკუსიის ფორმატში მიმდინარეობდა და ნებისმიერ დამსწრეს შეეძლო კითხვების დასმა და საკუთარი მოსაზრების დაფიქსირება.

 
02.07.2019

გარემოსდაცვითი ზედამხედველობის დეპარტამენტის პატრულირებისა და სწრაფი რეაგირების თანამშრომელთა შესაძლებლობათა გაძლიერების მიზნით ბათუმსა და ოზურგეთში ტრენინგები დასრულდა.  ტრენინგი მიზნად ისახავდა პატრულირებისა და სწრაფი რეაგირების განყოფილების თანამშრომელთა თეორიული ცოდნისა და პრაქტიკული უნარ-ჩვევების გაუმჯობესებას, ასევე გარემოს დაცვის სფეროში სამართალდარღვევის ფაქტების გამოვლენისა და უკანონო ქმედებების დროულად და ეფექტიანად აღკვეთას.

 

ტრენინგები მოიცავდა როგორც საკანონმდებლო რეგულაციების შესახებ ინფორმაციას,  ასევე მონაწილეთა საქმიანობიდან გამომდინარე საჭირო პრაქტიკულ სამუშაოებს. პროექტის ფარგლებში სულ გადამზადდება 160 თანამშრომელი.

 

ტრენინგები განხორციელდა სსიპ გარემოსდაცვითი ინფორმაციისა და განათლების ცენტრის მიერ გარემოსდაცვითი ზედამხედველობის დეპარტამენტთან თანამშრომლობითა და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით.
19.06.2019

გარემოსდაცვითი ზედამხედველობის დეპარტამენტის პატრულირებისა და სწრაფი რეაგირების თანამშრომელთა შესაძლებლობათა გაძლიერების მიზნით ქუთაისსა და ზუგდიდში ტრენინგები დასრულდა.  ტრენინგი მიზნად ისახავდა პატრულირებისა და სწრაფი რეაგირების განყოფილების თანამშრომელთა თეორიული ცოდნისა და პრაქტიკული უნარ-ჩვევების გაუმჯობესებას, ასევე გარემოს დაცვის სფეროში სამართალდარღვევის ფაქტების გამოვლენისა და უკანონო ქმედებების დროულად და ეფექტიანად აღკვეთას.

 

ტრენინგები მოიცავდა როგორც საკანონმდებლო რეგულაციების შესახებ ინფორმაციას,  ასევე მონაწილეთა საქმიანობიდან გამომდინარე საჭირო პრაქტიკულ სამუშაოებს. პროექტის ფარგლებში სულ გადამზადდება 160 თანამშრომელი.

 
ტრენინგები განხორციელდა სსიპ გარემოსდაცვითი ინფორმაციისა და განათლების ცენტრის მიერ გარემოსდაცვითი ზედამხედველობის დეპარტამენტთან თანამშრომლობითა და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით.

19.06.2019

გარემოსდაცვითი ზედამხედველობის დეპარტამენტის პატრულირებისა და სწრაფი რეაგირების თანამშრომელთა შესაძლებლობათა გაძლიერების მიზნით თელავსა და ახალციხეში ტრენინგები დასრულდა.  ტრენინგი მიზნად ისახავდა პატრულირებისა და სწრაფი რეაგირების განყოფილების თანამშრომელთა თეორიული ცოდნისა და პრაქტიკული უნარ-ჩვევების გაუმჯობესებას, ასევე გარემოს დაცვის სფეროში სამართალდარღვევის ფაქტების გამოვლენისა და უკანონო ქმედებების დროულად და ეფექტიანად აღკვეთას.

 

ტრენინგები მოიცავდა როგორც საკანონმდებლო რეგულაციების შესახებ ინფორმაციას,  ასევე მონაწილეთა საქმიანობიდან გამომდინარე საჭირო პრაქტიკულ სამუშაოებს. პროექტის ფარგლებში სულ გადამზადდება 160 თანამშრომელი.

 

ტრენინგები განხორციელდა სსიპ გარემოსდაცვითი ინფორმაციისა და განათლების ცენტრის მიერ გარემოსდაცვითი ზედამხედველობის დეპარტამენტთან თანამშრომლობითა და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით.
19.06.2019
 3 4 5 6 7 8 9 10 11 12 
Displaying results 73-84 (of 604)

Latest news