გარემოსდაცვითი ინფორმაციისა და განათლების ცენტრს „თბილისის საერთაშორისო სკოლისმოსწავლეები ესტუმრნენ. მოსწავლეებმა ნარჩენების მართვის თანამედროვე ტექნოლოგიების შესახებ მოისმინეს ლექცია და იმსჯელეს ამ სფეროში არსებული გამოწვევებისა და პრობლემის აღმოფხვრის გზებზე.


გარემოსდაცვითი ინფორმაციისა და განათლების ცენტრი სისტემატურად ატარებს ლექციებს სკოლის მოსწავლეებისთვის გარემოსდაცვით საკითხებზე, რომლის მიზანია,დაინტერესებულმა საზოგადოებამ მიიღოს სანდო და ამომწურავი ინფორმაცია მნიშვნელოვანი გარემოსდაცვითი საკითხების შესახებ.

15.02.2019
FAO, გარემოს დაცვისა და სოფლის მეურნეობის სამინისტროსთან ერთად, საქართველოში სასოფლო-სამეურნეო პროდუქტების ფასების მონიტორინგის სისტემას აუმჯობესებს. მონიტორინგის სისტემა საქართველოში 2015 წლიდან მუშაობს, ევროკავშირის დაფინანსებული სოფლის მეურნეობისა და სოფლის განვითარების ევროპული სამეზობლო პროგრამის (ENPARD) ფარგლებში.

სოფლის მეურნეობის პროდუქტების საბაზრო ფასების მონიტორინგი ქვეყნის მასშტაბით 59 მუნიციპალიტეტში ხორცილდება, 100-ზე მეტ სასოფლო-სამეურნეო პროდუქტზე. ფერმერთა საინფორმაციო-საკონსულტაციო სამსახურების თანამშრომლები ყოველკვირეულად აგროვებენ ფასებს სასოფლო-სამეურნეო პროდუქტებზე და სამინისტროს ცენტრალურ აპარატს აწვდიან, ამ ინფორმაციის შემდგომი დამუშავებისა და პოლიტიკის შემუშავებაში გამოყენების მიზნით.

ფასების მონიტორინგის პროცესის გაუმჯობესების მიზნით, შეიქმნა ონლაინ აპლიკაცია, რომლის საშუალებითაც, მონაცემთა შეგროვება ელექტრონულად, ტაბლეტების მეშვეობით ხორციელდება და მონიტორინგის დასრულებისთანავე, შეგროვებული და შეყვანილი ინფორმაცია სამინისტროს სერვერზე ავტომატურად იგზავნება, რაც საგრძნობლად ამარტივებს მონიტორინგის პროცესს და ამცირებს შეცდომის დაშვების შესაძლებლობას.

ახალი აპლიკაციის დანერგვის მიზნით, შიდა ქართლსა და მცხეთა-მთიანეთის მუნიციპალიტეტებში საინფორმაციო-საკონსულტაციო სამსახურების თანამშრომლებს ტრენინგები ჩაუტარდათ. აღნიშნული გადამზადება სხვა მუნიციპალიტეტებშიცაა დაგეგმილი. ტრენინგებზე მოხდება აპლიკაციის გამოყენების დეტალური ინსტრუქციის, ფასების მონიტორინგის სისტემაში შესული ყველა მეთოდოლოგიური ცვლილების და პროდუქტების განახლებული ჩამონათვალის განხილვა. ღონისძიების ორგანიზება განხორციელდა გაეროს სურსათისა და სოფლის მეურნეობის ორგანიზაციის (FAO), სამინისტროს სტატისტიკისა და ანალიტიკის სამმართველოს და სსიპ გარემოსდაცვითი ინფორმაციისა და განათლების ცენტრის მიერ.

ევროკავშირი მხარს უჭერს სოფლის მეურნეობისა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება 2013 წლიდან და მისი მთლიანი ბიუჯეტი შეადგენს 179.5 მილიონ ევროს. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზები მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ის ვებ-გვერდს: www.enpard.ge
12.02.2019

გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა ეკო-გრანტების პროგრამის გამარჯვებულები დააჯილდოვა.

 

ეკო-გრანტების პროგრამა ინიცირებული და დაფინანსებულია BP-ის და მისი პარტნიორების მიერ ბაქო-თბილისი-ჯეიჰანის ნავთობისა და სამხრეთ კავკასიის გაზის მილსადენის პროექტების ფარგლებში. პროგრამას ახორციელებს CTC გარემოს დაცვისა და სოფლის მეურნეობის სამინისტროსთან თანამშრომლობით. პროგრამის მიზანია ისეთი პროექტების დაფინანსება, რომლებიც მიმართულია გარემოსდაცვითი ცნობიერების ამაღლებასა და პრაქტიკული გარემოსდაცვითი ღონისძიებების განხორციელებაზე.

 

მინისტრის მოადგილემ განსაკუთრებული ყურადღება ქალთა ორგანიზაციის - ქალები ქვეყნის მომავლისთვის პროექტი „ ენერგიის ალტერნატიული წყაროები ( ნეტო აღრიცხვა ) და მისი გავლენა ადგილობრივი თემის განვითარებაზე გაამახვილა. აღნიშნა, რომ ქალთა ჩართულობა მსგავსი სახის კონკურსებში ძალიან მნიშვნელოვანია.

 

პროგრამა ორ ეტაპიანია და პირველ ეტაპზე საგრანტო კონკურსის ფარგლებში 3 პროექტი დაფინანსდა, რომლებიც წარმატებით ხორციელდება. კონკურსის მეორე ეტაპზე 4 გამარჯვებული ორგანიზაცია გამოვლინდა:

  • -შავი ზღვის ეკო-აკადემია - პროექტისთვის “მდგრადი შემოსავლის მიღების უზრუნველყოფა აჭარის ეროვნული პარკების მხარდამჭერი ზონების თემებისთვის ეკო-ტურიზმის განვითარების გზით” ;
  • -მწვანე რეგიონები - პროექტისთვის ”ზემო იმერეთის მთის ტყეების შენარჩუნება  და ენერგოეფექტური ტექნოლოგიები”;

  • -სახეობათა კონსერვაციის სამეცნიერო კვლევითი ცენტრი ნაკრესი - პროექტისთვის “ტყის მრავალფუნქციური გამოყენების დანერგვა და პოპულარიზაცია ბორჯომის მუნიციპალიტეტში”;

  • -ქალები ქვეყნის მომავლისთვის - პროექტისთვის “ენერგიის ალტერნატიული წყაროები (ნეტო აღრიცხვა) და მისი გავლენა ადგილობრივი თემის განვითარებაზე”.

    ღონისძიებას ესწრებოდნენ BP-ის აღმასრულებელი დირექტორი გია ღვალაძე, გარემოსდაცვითი ინფორმაციისა და განათლების ცენტრის დირექტორი თამარ ალადაშვილი, კონკურსში მონაწილე და გამარჯვებული ორგანიზაციების წარმომადგენლები და სხვა დაინტერესებული პირები.

     
12.02.2019

გარემოსდაცვითი ინფორმაციისა და განათლების ცენტრში სურსათის უვნებლობისა და ტექნოლოგიის საერთაშორისო ექსპერტმა ფრედერიკ მენსმა გამართა ტრენინგი თემაზე:  „რისკზე დაფუძნებული სურსათის უვნებლობის პრინციპები და საფრთხის ანალიზისა და კრიტიკული საკონტროლო წერტილების სისტემა (HACCP)“.
 

ტრენინგზე განხილული იქნა ასევე ჰიგიენის კარგი პრაქტიკის : (GHP) სანიმუშო წარმოების პრაქტიკის, (GMP) მიკვლევადობის საკითხები და HACCP-ის სისტემის დანერგვის პრაქტიკული მაგალითები სხვადასხვა კატეგორიის სურსათის წარმოებისთვის.
 

შეხვედრის დასასრულს გაიმართა აქტიური დისკუსია. ღონისძიებას ესწრებოდნენ სსიპ სურსათის ეროვნული სააგენტოს ცენტრალური და რეგიონალური სამმართველოების ინსპექტორები, სსიპ შემოსავლების სამსახურის წარმომადგენლები და ბიზნესოპერატორები.

 

ტრენინგი განხორციელდა აზიის განვითარების ბანკის რეგიონალური ტექნიკური მხარდაჭერის პროექტის - „სოფლის მეურნეობის ღირებულებათა ჯაჭვში საერთაშორისო სურსათის უვნებლობის სტანდარტების გაძლიერება ცენტრალური აზიის რეგიონის თანამშრომლობის (CARE) ქვეყნებში“ - ფარგლებში, გარემოსდაცვითი ინფორმაციისა და განათლების ცენტრის მხარდაჭერით.

 

პროექტი მნიშვნელოვანია საქართველოში სურსათის უვნებლობის სისტემის განვითარებისა და სურსათის უვნებლობის საერთაშორისო სტანდარტებთან დაახლოებისათვის.

 
11.02.2019

გარემოსდაცვითი ინფორმაციისა და განათლების ცენტრში სასწავლო კურსი  “გარემოსდაცვითი მმართველი” დასრულდა.

 

კანონით „ნარჩენების მართვის კოდექსი“ კომპანიებს, რომლებიც წლის განმავლობაში 200 ტონაზე მეტ არასახიფათო, 1000 ტონაზე მეტ ინერტულ ან ნებისმიერი რაოდენობის სახიფათო ნარჩენს წარმოქმნიან, ეკისრებათ ვალდებულება, ჰყავდეთ ნარჩენების მართვაზე პასუხისმგებელი პირი - „გარემოსდაცვითი მმართველი“.

 

სსიპ გარემოსდაცვითი ინფორმაციისა და განათლების ცენტრის ინიციატივით  გარემოსდაცვითი მმართველისთვის შემუშავდა შესაბამისი მოდული, რომელიც ნარჩენების მართვის სფეროში არსებულ ყველა მოთხოვნას ითვალისწინებს. სასწავლო კურსში მონაწილეობა შეუძლიათ როგორც კომპანიების მიერ წარმოდგენილ კანდიდატებს, ისე ნებისმიერ დაინტერესებულ პირს.

სასწავლო კურსი კომპანიებს საშუალებას აძლევს, ჰყავდეთ კანონით დაკისრებული მოთხოვნებისა და თანამედროვე სტანდარტების გათვალისწინებით გადამზადებული კადრი.

სასწავლო კურსი კი ამ კომპანიებისთვის შესაბამისი კადრების გადამზადებას და კვალიფიკაციის ამაღლებას უზრუნველყოფს. კურსს მრავალწლიანი გამოცდილების მქონე დარგის სპეციალისტები უძღვებიან.

 

გარემოსდაცვითი ინფორმაციისა და განათლების ცენტრმა 343 პირი გადაამზადა, რომელთა უმრავლესობა (80%) დასაქმებულია გარემოსდაცვითი მმართველის პოზიციაზე.

 
10.02.2019
გარემოსდაცვითი ინფორმაციისა და განათლების ცენტრში სტრატეგიის “განათლება მდგრადი განვითარებისთვის” სრულყოფისათვის სამუშაო შეხვედრა გაიმართა.

შეხვედრის მონაწილეებს გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა და განათლების, მეცნიერების, კულტურისა და სპორტის მინისტრის მოადგილემ ირინე აბულაძემ მიმართეს.

“განათლება მდგრადი განვითარებისათვის” სტრატეგიის მიზანი, განათლების სექტორში განხორციელებული ცვლილებებით, ქვეყანაში მდგრადი განვითარების პროცესების ხელშეწყობაა, რომლის შედეგადაც ჩამოყალიბებულ საზოგადოებას ექნება მდგრადი განვითარებისათვის შესაბამისი ცოდნა და  უნარი.

სტრატეგიით განსაზღვრული ცვლილებების სისტემურობისა და ეფექტიანობისათვის მნიშვნელოვანია მისი დანერგვა სწავლების ყველა საფეხურზე. სწორედ ამიტომ სტრატეგია მოიცავს სწავლების საფეხურს სკოლამდელი აღზრდიდან უმაღლეს განათლებამდე. მისი ქმედებები გათვლილია არა მხოლოდ სწავლების პროგრამულ მხარეზე, არამედ შესაბამისი ინფრასტრუქტურისა და განმანათლებელთა შესაძლებლობების განვითარებაზე.

“სწავლების ყველა საფეხურზე მდგრადი განვითარების საკითხების სრულფასოვანი დანერგვა და საჭირო უნარების განვითარება სხვადასხვა უწყებას შორის მჭიდრო ურთიერთთანამშრომლობითაა შესაძლებელი.”- განაცხადა ნინო თანდილაშვილმა და იმედი გამოთქვა, რომ სტრატეგიის სამუშაო შეხვედრებში აქტიური თანამონაწილეობა სტრატეგიის განხორციელებისთვის საჭირო ქმედებებშიც გაგრძელდება.

ეროვნული სტრატეგია "განათლება მდგრადი განვითარებისთვის", გარემოსდაცვითი ინფორმაციისა და განათლების ცენტრის მიერ  გერმანიის საერთაშორისო თანამშრომლობის საზოგადოების (GIZ) მხარდაჭერით იქმნება და მისი შემუშავების პროცესში ჩართულნი არიან როგორ საერთაშორისო ორგანიზაციები,  ისე აკადემიური, სამთავრობო და არასამთავრობო სექტორების წარმომადგენლები.

07.02.2019

სამრეწველო დაბინძურებისა და სამრეწველო საფრთხეების სფეროში ევროკავშირის დაძმობილების პროექტის ფარგლებში გარემოსდაცვითი ინფორმაციისა და განათლების ცენტრში გაიმართა ტრენინგები თემაზე - ინტეგრირებული ნებართვის დაწერა ემისიების კონტროლის დირექტივის შესაბამისად.
 

ტრენინგები ჩაუტარდათ გარემოს დაცვისა და სოფლის მეურნეობის სამინისტროს გარემოსდაცვითი შეფასების დეპარტამენტისა და გარემოს ეროვნული სააგენტოს თანამშრომლებს, რომლებიც შესაბამისი კანონმდებლობის ამოქმედების შემდეგ პაუსხისმგებელნი იქნებიან ინტეგრირებული ნებართვის გაცემაზე.
 

ტრენინგები 2018 წლიდან მიმდინარეობს და მისი მიზანია სამრეწველო დაბინძურებისა და საფრთხეების სფეროში სამინისტროს თანამშრომლების კვალიფიკაციის ამაღლება ევროკავშირის გარემოსდაცვით კანონმდებლობასთან დაახლოების გზით.

 
06.02.2019
გარემოსდაცვითი ინფორმაციისა და განათლების ცენტრში გაიმართა საინფორმაციო შეხვედრა საქართველოს სავაჭრო-სამრეწველო პალატის მიერ დაფუძნებულ შესაფუთი მასალების მწარმოებელთა ასოციაციის წევრებთან.
 

შეხვედრაზე ნარჩენებისა და ქიმიური ნივთიერებების მართვის დეპარტამენტის წარმომადგენლებმა დეტალურად ისაუბრეს ნარჩენების მართვის კოდექსით განსაზღვრული მწარმოებლის გაფართოებული ვალდებულებისა და ასევე პლასტიკისა და ბიოდეგრადირებადი პარკების რეგულირების წესის შესახებ.

 

შეგახსენებთ, რომ ნარჩენების მართვის კოდექსით განსაზღვრული „მწარმოებლის გაფართოებული ვალდებულება“ 2019 წლის 1 დეკემბრიდან შედის ძალაში.

 
 
05.02.2019

იმერეთში “ სკოლამდელი გარემოსდაცვითი განათლების” სახელმძღვანელოს დანერგვის მიზნით აღმზრდელებისა და მეთოდისტებისთვის ტრენინგები გაიმართა.

 

ტრენინგის ფარგლებში ზესტაფონის, ბაღდათისა და ხარაგაულის ყველა საბავშვო ბაღის 80-მდე აღმზრდელი და მეთოდისტი გადამზადდა.

 

ტრენინგის მონაწილეებს  გარემოსდაცვითი ინფორმაციისა და განათლების ცენტრის დირექტორის მოადგილემ ეკატერინე ბენდელიანმა მიმართა და მონაწილეებს გარემოსდაცვითი განათლებისა და მასში სკოლამდელი საფეხურის აქტიური ჩართულობის მნიშვნელობაზე ესაუბრა.

 

სახელმძღვანელო “სკოლამდელი გარემოსდაცვითი განათლება” სასკოლო მზაობის პროგრამის ფარგლებში შემუშავდა, რომელიც ასაკისათვის შესაფერის თეორიულ მასალასთან ერთად პრაქტიკულ სავარჯიშოებს მოიცავს და სამ გარემოსდაცვით თემას აერთიანებს: ბიომრავალფეროვნება ჩვენ გარშემო, წყლისა და ენერგიის დაზოგვა, ნარჩენების მართვა.

 

2018 წლის განმავლობაში სახელმძღვანელო დაინერგა თბილისის მუნიციპალიტეტში და კახეთის, გურიის, მცხეთა-მთიანეთის, ქვემო და შიდა ქართლის რეგიონებში. გარემოსდაცვითი ინფორმაციისა და განათლების ცენტრი  2019 წლის ბოლომდე სახელმძღვანელოს მთელი ქვეყნის მასშტაბით დანერგვას გეგმავს.

04.02.2019

საგამოფენო ცენტრში „ექსპოჯორჯია” მწვანე პოლიტიკის ინიციატივის ფარგლებში ატმოსფერული ჰაერის დაცვის პოლიტიკის პრეზენტაცია გაიმართა. 

 

ღონისძიებაზე შეკრებილ სტუმრებს სიტყვით საქართველოს  პრემიერ-მინისტრმა მამუკა ბახტაძემ და გარემოს დაცვისა და სოფლის მეურნეობის მინისტრმა ლევან დავითაშვილმა მიმართეს. 

 

„მთავრობის მწვანე პოლიტიკა, ეს არის ქვეყნის განვითარების გრძელვადიანი ხედვა. უფრო მეტიც, მე ვიტყოდი, ეს არის ცხოვრების ახალი წესი, რაც იმას გულისხმობს, რომ ჩვენ ვუფრთხილდებით და ვუვლით ბუნებას, ვინაწილებთ პასუხისმგებლობას და შედეგად ვიღებთ სუფთა ჰაერს, საბოლოოდ კი, ჯანსაღ გარემოს, სადაც უსაფრთხოდ იცხოვრებენ მომავალი თაობები. როდესაც ლაპარაკია ეკოლოგიაზე და გარემოს დაცვაზე, რა თქმა უნდა, განსაკუთრებით მნიშვნელოვანია ჰაერის დაბინძურებისგან დაცვა და ამისათვის კონკრეტული ნაბიჯების გადადგმა“, – განაცხადა მამუკა ბახტაძემ.

 

ღონისძიებაზე გარემოს დაცვისა და სოფლის მეურნეობის მინისტრმა ლევან დავითაშვილმა ატმოსფერული ჰაერის დაცვის პრეზენტაცია წარმოაგდგინა. მინისტრმა განსაკუთრებული ყურადღება  საწვავის ხარისხის გაუმჯობესების მიმართულებით არსებული წინსვლაზე, ჰაერის ხარისხის მონიტორინგისა და შეფასების სისტემის გაუმჯობესებაზე გაამახვილა.  


„ჰაერის ხარისხი უშუალო ზეგავლენას ახდენს ადამიანის ჯანმრთელობაზე. შესაბამისად, ქვეყნის მასშტაბით ჰაერის ხარისხის გაუმჯობესება ჩვენი სამინისტროსა და ზოგადად  მთავრობის ერთ ერთი უმთავრესი პრიორიტეტია“- განაცხადა ლევან დავითაშვილმა.

 

სამინისტროს მიერ განხორციელებული ღონისძიებების ანგარიშისა და სამომავლოდ დაგეგმილი ქმედებების წარდგენასთან ერთად, დამსწრე საზოგადოება სამინისტროს მიერ შექმნილი ატმოსფერული ჰაერის ხარისხის პორტალს, www.air.gov.ge გაეცნო. პორტალის შესახებ დეტალური ინფორმაცია გარემოსდაცვითი ინფორმაციისა და განათლების ცენტრის დირექტორმა თამარ ალადაშვილმა წარადგინა.

 

პორტალი სამინისტროს ინიციატივით გარემოსდაცვითი ინფორმაციისა და განათლების ცენტრისა და გარემოს ეროვნული სააგენტოს ერთობლივი ძალისხმევით შეიქმნა. ჰაერის ხარისხის პორტალი ნებისმიერ დაინტერესებულ პირს აძლევს შესაძლებლობას, უწყვეტად მიიღოს ინფორმაცია ჰაერის ხარისხის შესახებ საქართველოს ყველა იმ ქალაქიდან, სადაც ჰაერის ხარისხზე დაკვირვება მიმდინარეობს. პორტალის საშუალებით დაინტერესებული პირები მათთვის მარტივად გასაგები ინდექსებით მიიღებენ უახლეს ინფორმაციას ატმოსფერული ჰაერის ხარისხის მდგომარეობის შესახებ და საჭიროების შემთხვევაში, შესაბამის ჯანდაცვით რეკომენდაციებსაც.  

 

სამინისტროს ინფორმაციით, მიმდინარეობს მოლაპარაკება ევროპის გარემოს დაცვის სააგენტოსთან, რომ საქართველოს ატმოსფერული ჰაერის მონაცემები ჰაერის ხარისხის ევროპულ პორტალზეც უწყვეტ რეჟიმში იყოს ხელმისაწვდომი.

 

შეხვედრას საქართველოში აკრედიტებული დიპლომატიური კორპუსის, საერთაშორისო ორგანიზაციების, აკადემიური, სამთავრობო და არასამთავრობო სექტორის წარმომადგენლები ესწრებოდნენ. 
 

28.01.2019

“სკოლამდელი გარემოსდაცვითი განათლების” სახელმძღვანელო ხაშურის მუნიციპალიტეტში დაინერგა. სახელმძღვანელოს წარმატებით დანერგვისთვის ცენტრის წარმომადგენლებმა მუნიციპალიტეტის ყველა საბავშვო-ბაღის აღმზრდელები და მეთოდისტები გადაამზადეს.

 

ტრენინგს გარემოსდაცვითი ინფორმაციისა და განათლების ცენტრის დირექტორის მოადგილე ეკატერინე ბენდელიანი დაესწრო და ტრენინგის მონაწილეებს გარემოს დაცვის სფეროში სკოლამდელი განათლების მნიშვნელობაზე ესაუბრა.

 

სახელმძღვანელო “სკოლამდელი გარემოსდაცვითი განათლება” სასკოლო მზაობის პროგრამის ფარგლებში შემუშავდა, რომელიც ასაკისათვის შესაფერის თეორიულ მასალასთან ერთად პრაქტიკულ სავარჯიშოებს მოიცავს და სამ გარემოსდაცვით თემას აერთიანებს: ბიომრავალფეროვნება ჩვენ გარშემო, წყლისა და ენერგიის დაზოგვა, ნარჩენების მართვა.

 

2019 წლის ბოლომდე “სკოლამდელი გარემოსდაცვითი განათლების” სახელმძღვანელო მთელი ქვეყნის მასშტაბით დაინერგება

 
31.12.2018

“სკოლამდელი გარემოსდაცვითი განათლების” სახელმძღვანელო წალკის მუნიციპალიტეტში დაინერგა. სახელმძღვანელოს წარმატებით დანერგვისთვის ცენტრის წარმომადგენლებმა მუნიციპალიტეტის ყველა საბავშვო-ბაღის აღმზრდელები და მეთოდისტები გადაამზადეს.

 

ტრენინგს გარემოსდაცვითი ინფორმაციისა და განათლების ცენტრის დირექტორის მოადგილე ეკატერინე ბენდელიანი დაესწრო და ტრენინგის მონაწილეებს გარემოს დაცვის სფეროში სკოლამდელი განათლების მნიშვნელობაზე ესაუბრა.

 

სახელმძღვანელო “სკოლამდელი გარემოსდაცვითი განათლება” სასკოლო მზაობის პროგრამის ფარგლებში შემუშავდა, რომელიც ასაკისათვის შესაფერის თეორიულ მასალასთან ერთად პრაქტიკულ სავარჯიშოებს მოიცავს და სამ გარემოსდაცვით თემას აერთიანებს: ბიომრავალფეროვნება ჩვენ გარშემო, წყლისა და ენერგიის დაზოგვა, ნარჩენების მართვა.

 

2019 წლის ბოლომდე “სკოლამდელი გარემოსდაცვითი განათლების” სახელმძღვანელო მთელი ქვეყნის მასშტაბით დაინერგება.

 
28.12.2018
 5 6 7 8 9 10 11 12 13 14 
Displaying results 97-108 (of 575)

Latest news