ესეების კონკურსი „ადამიანის კვალი ნიადაგზე“
5 დეკემბერს ნიადაგის მსოფლიო დღე აღინიშნება. 2026 წლის კამპანიის მთავარი თემაა ნიადაგის დატკეპნა: „შევაჩეროთ ნიადაგის დატკეპნა, გავზარდოთ ნიადაგის პროდუქტიულობა“. გარემოსდაცვითი ინფორმაციისა და განათლების ცენტრი ახალგაზრდებს ესეების კონკურსში მონაწილეობას სთავაზობს.
დაფიქრდი, დაწერე და გვაჩვენე: რა კვალს ვტოვებთ ნიადაგზე და როგორი ნიადაგი უნდა დავუტოვოთ მომავალ თაობებს?
მონაწილეები: საქართველოს ზოგადსაგანმანათლებლო სკოლების VII–XII კლასების მოსწავლეები.
- I კატეგორია: VII–IX კლასები
- II კატეგორია: X–XII კლასები
შეფასება: ჟიური აფასებს 100 ქულიანი სისტემით. მთავარი კრიტერიუმებია თემის გააზრება და სიღრმე (25), არგუმენტაცია (20) და საკუთარი მოსაზრება (20). უპირატესობა ენიჭება გააზრებას და დამოუკიდებელ აზროვნებას და არა ინფორმაციის რაოდენობას.
ჯილდოები: I, II, III . გამარჯვებულები დაჯილდოვდებიან აკადემიკოს თენგიზ ურუშაძის სახელობის სიგელებით. დაჯილდოების ცერემონია: 2026 წლის 5 დეკემბერი.
კონკურსში მონაწილეობით ავტორი თანახმაა, რომ ორგანიზატორმა ნამუშევარი გამოიყენოს საგანმანათლებლო მიზნებით, კამპანიაში, ვებგვერდსა და სოციალურ მედიაში (ავტორის მითითებით).
#ადამიანისკვალინიადაგზე #ნიადაგისმსოფლიოდღე2026 #ნიადაგისდაცვა #ახალგაზრდებისჩართულობა
კონკურსის აღწერა
ესეში უნდა:
- წარმოჩნდეს პრობლემა და მისი მიზეზები;
- მოყვანილი იყოს მაგალითები;
- გამოითქვას საკუთარი მოსაზრება;
- შემოთავაზებული იყოს გამოსავალი.
მოთხოვნები:
- მოცულობა: 300-დან 600 სიტყვამდე
- ენა: ქართული
- ფორმატი: Word ან PDF
- შრიფტი: Sylfaen, ზომა 12, ინტერვალი 1.5
- ნამუშევარი უნდა იყოს ავტორის საკუთარი, პოლიტიკური, დისკრიმინაციული ან შეურაცხმყოფელი შინაარსის გარეშე
- უნდა მიეთითოს გამოყენებული წყაროები
როგორ მივიღოთ მონაწილეობა: გამოგზავნე ელფოსტაზე info@eiec.gov.ge და მიუთითე:
- მოსწავლის სახელი, გვარი და სკოლა;
- საკონტაქტო ინფორმაცია;
- საკონკურსო ნამუშევარი;
- ნამუშევრის მოკლე აღწერა.
არასრული ან ვადის შემდეგ გამოგზავნილი განაცხადი შეიძლება არ იქნეს დაშვებული.