მოხალისე ლექტორი - დედამიწის გეოლოგიური ასაკი

დედამიწის წარმოშობა, განვითარება, დედამიწის ბინადრების წარმოშობა, მათი გადაშენება, ადამიანების განვითარების პერიოდები - ეს ის საკითხებია, რომლებიც ბაქსვუდის სკოლის მოსწავლეებმა გარემოსდაცვითი ინფორმაციისა და განათლების ცენტრში პროექტის „მოხალისე ლექტორი“ ფარგლებში გამართულ ლექციაზე „დედამიწის გეოლოგიური ასაკი“ მოისმინეს.

აღნიშნული ლექციის მოხალისე ლექტორი გარემოს ეროვნული სააგენტოს წარმომადგენელი, ია კუსრაშვილი იყო.

„მოხალისე ლექტორი“ გარემოსდაცვითი ინფორმაციისა და განათლების ცენტრის პროექტია. ცენტრი ყველა დაინტერესებულ მოსწავლესა და მასწავლებელს შესაძლებლობას აძლევს, მოისმინონ სამინისტროს სხვადასხვა უწყების თანამშრომლების ლექციები გარემოსდაცვით თემებზე.