სიახლეები
ურთიერთთანამშრომლობის მემორანდუმი
2017 წლის 18 აპრილს გარემოსდაცვითი ინფორმაციისა და განათლების ცენტრსა და აკაკი წერეთლის სახელობის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა.
მემორანდუმის ფარგლებში აკაკი წერეთლის სახელობის სახელმწიფო უნივერსიტეტის საინჟინრო-ტექნოლოგიური ფაკულტეტის სტუდენტები გარემოსდაცვითი ინფორმაციისა და განათლების ცენტრში გაივლიან ტრენინგ-კურსებს და მონაწილეობას მიიღებენ ცენტრის მიერ დაგეგმილ კონფერენციებსა და კონკურსებში.
ურთიერთთანამშრომლობის მემორანდუმს ხელი მოაწერეს გარემოსდაცვითი ინფორმაციისა და განათლების ცენტრის დირექტორმა ია პაპიაშვილმა და აკაკი წერეთლის სახელობის სახელმწიფო უნივერსიტეტის რექტორმა გიორგი ღავთაძემ.