გარემოსდაცვითი ინფორმაციისა და განათლების ცენტრი აცხადებს დებატებს ეკოკლუბებისთვის

თუ ხარ ეკოკლუბელი და გაქვს სურვილი, ჩაერთო  დებატებში  გარემოს დაცვის სხვადასხვა მიმართულებით:

· მწვანე ეკონომიკა
· კლიმატის ცვლილება
· ნარჩენების მართვა

მაშინ ეს პოსტი შენთვის არის 

დებატების მიზანია გარემოსდაცვითი თემების შესახებ ცნობიერების ამაღლება და ახალგაზრდებში მწვანე უნარ-ჩვევების პოპულარიზება.

ღონისძიებაში მონაწილეობის მიღება შეუძლიათ ეკოკლუბებს მთელი საქართველოდან, რომლებიც აერთიანებენ მე-7-დან მე-12 კლასის ჩათვლით მოსწავლეებს.

დაინტერესებულმა მონაწილეებმა, გთხოვთ, 10 მაისამდე წარადგინოთ თქვენი ეკოკლუბის შესახებ მოკლე ინფორმაცია.

შემოსული განცხადებებიდან შეირჩევა 6 ეკოკლუბი, რომლებსაც მიეცემათ შესაძლებლობა ფართო აუდიტორიის წინაშე იმსჯელონ გარემოს დაცვის სექტორში არსებული გამოწვევების შესახებ.

დამატებითი ინფორმაციისთვის დაუკავშირდით გარემოსდაცვითი ინფორმაციისა და განათლების ცენტრის გარემოს საინფორმაციო სამსახურის მთავარ სპეციალისტს ანა მანჯავიძეს (ტელ: 555233536, ელფოსტა: ana.manjavidze@eiec.gov.ge).