დაუნის სინდრომის შესახებ ცნობიერების ამაღლების კვირეული

გარემოსდაცვითი ინფორმაციისა და განათლების ცენტრის თანაშრომლები დაუნის სინდრომის შესახებ ცნობიერების ამაღლების კვირეულს შეუერთდნენ.

2013 წლიდან მსოფლიოში დამკვიდრდა „უთვალავი ჭრელი წინდის ტრადიცია”, რომლის მიზანიც მასობრივი სოლიდარობის ორიგინალურად გამოხატვაა. რადგან წინდებს ქრომოსომის ფორმა აქვთ, იდეამ მიიღო კამპანიის სახე, წინდები კი დაუნის სინდრომის სიმბოლოდ იქცა.

გაეროს 2030 წლის დღის წესრიგი მდგრადი განვითარებისათვის გულისხმობს, რომ დაუნის სინდრომის მქონე ყველა ადამიანს უნდა ჰქონდეს შესაძლებლობა იცხოვროს თანასწორ გარემოში, ჰქონდეთ უწყვეტი პიროვნული განვითარების, განათლების ხელმისაწვდომობის, ურთიერთობების, ჯანმრთელობის, სამუშაო და საცხოვრებელი გარემოსა და საზოგადოებრივ ცხოვრებაში ჩართულობის თანაბარი შესაძლებლობები.