სიახლეები
კონსერვაციული მტკიცებულებები, როგორც გარემოსდაცვითი დაგეგმარების თანამედროვე ინსტრუმენტი
“მეცნიერებისა და ინოვაციების საერთაშორისო ფესტივალის” ფარგლებში გარემოსდაცვითი ინფორმაციისა და განათლების ცენტრმა დაინტერესებული პირებისათვის გამართა ტრენინგი თემაზე: „კონსერვაციული მტკიცებულებები, როგორც გარემოსდაცვითი დაგეგმარების თანამედროვე ინსტრუმენტი“.
კონსერვაციული მტკიცებულებების კვლევა გარემოსდაცვითი მეცნიერებების თანამედროვე მიმართულებაა, რომელიც მსოფლიოში განხორციელებული კონსერვაციული ქმედებების ეფექტიანობას აფასებს.
შეხვედრის ფარგლებში, მონაწილეები მტკიცებულებების არსებულ ბაზასა და დაგეგმვის პროცესში, მასში არსებული ინფორმაციის გამოყენების შესაძლებლობებს გაეცნენ. ჯგუფური სამუშაოს ფარგლებში კი კონსერვაციული მტკიცებულებების რეალური მაგალითები განიხილეს.