სიახლეები
მოხალისე ლექტორი - დაცული ტერიტორიები
გარემოსდაცვითი ინფორმაციისა და განათლების ცენტრში პროექტის „მოხალისე ლექტორი“ ფარგლებში ბაქსვუდის სკოლის მოსწავლეებთან საქართველოს დაცული ტერიტორიების შესახებ საინფორმაციო შეხვედრა გაიმართა.
შეხვედრაზე მოსწავლეებმა საქართველოს დაცული ტერიტორიებზე, მათ მსოფლიო მნიშვნელობაზე, კატეგორიებზე, ლაშქრობასა და უსაფრთხოების წესების შესახებ საინტერესო და სასარგებლო ინფორმაცია მიიღეს.
ლექციას დაცული ტერიტორიების სააგენტოს წარმომადგენელი ნატო სულთანიშვილი უძღვებოდა.
„მოხალისე ლექტორი“ გარემოსდაცვითი ინფორმაციისა და განათლების ცენტრის პროექტია. ცენტრი ყველა დაინტერესებულ მოსწავლესა და მასწავლებელს შესაძლებლობას აძლევს, მოისმინონ სამინისტროს სხვადასხვა უწყების თანამშრომლების ლექციები გარემოსდაცვით თემებზე.