მწვანე ეკონომიკის ელექტრონული კურსი ცხადდება

გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა ევროკავშირის პროექტის – „EU4 Environment“-ის ფარგლებში, მსოფლიოს წამყვანი საგანმანათლებლო პლატფორმის - The One UN Climate Change Learning Partnership (UN CC:Learn) მწვანე ეკონომიკის სასერტიფიკატო კურსზე მიღება განაახლა: https://unccelearn.org/course/view.php?id=123&page=overview 

საერთაშორისო პლატფორმაზე განთავსებული მწვანე ეკონომიკის კურსი მოიცავს 5 ქართულენოვან მოდულს: 

● ინკლუზიური მწვანე ეკონომიკის განვითარების საფუძვლები;
● ინსტრუმენტებზე ფოკუსირება - სტრუქტურული ცვლილებისთვის პირობების      შექმნა;
● საკვანძო სექტორები მწვანე ეკონომიკაზე გადასვლელად;
● მიმართულებების დადგენა - სტრატეგიები და გეგმები პოლიტიკის მიზნების მისაღწევად;
● ხელშემწყობი გარემო - საერთაშორისო სტრუქტურები და ინიციატივები ინკლუზიური მწვანე ეკონომიკის მხარდასაჭერად.

ელექტრონული კურსი მოიცავს ინტერაქტიულ გაკვეთილებს, ვიდეორგოლებს, დავალებებსა და კითხვარებს, რომელთა წარმატებით დასრულების შემთხვევაშიც მონაწილე მიიღებს  სერტიფიკატს.  

კურსი ხელმისაწვდომია ყველა დაინტერესებული პირისთვის - სამინისტროებისა და ადგილობრივი თვითმმართველობების წარმომადგენლებისთვის, კერძო სექტორისთვის, ასევე, გარემოსდაცვითი მმართველების, უმაღლესი სასწავლებლების პედაგოგების, მკვლევარებისა და სტუდენტებისთვის. 

კურსზე მიღება გარემოსდაცვითი ინფორმაციისა და განათლების ცენტრმა პირველად 2021 წელს - ევროკავშირის მწვანე კვირეულის ფარგლებში გამოაცხადა, ამ ეტაპისთვის სერტიფიცირებულია 50-მდე დაინტერესებული პირი.

მსოფლიოს წამყვანი საგანმანათლებლო პლატფორმის მწვანე ეკონომიკის სასერტიფიკატო კურსი არის უფასო.

დამატებითი ინფორმაციისთვის საკონტაქტო პირია ნათია ბლიაძე  - გარემოსდაცვითი ინფორმაციის და განათლების ცენტრის პროექტის კოორდინატორი (მობ.: 598218285; ელ-ფოსტა: natela.bliadze@eiec.gov.ge).

დამატებითი ინფორმაცია კურსის შესახებ იხილეთ ბმულზე - https://elibrary.mepa.gov.ge/Ge/Library/Details/7075/