საიტი მუშაობს სატესტო რეჟიმში
პროექტები
ბიომრავალფეროვნების ეროვნული სტრატეგიისა და სამოქმედო გეგმის (NBSAP) მომზადების ხელშეწყობა
ბიომრავალფეროვნების გლობალური ჩარჩო - ადრეული ქმედების მხარდაჭერის პროექტი
პროექტის მიზანი: ბიომრავალფეროვნების გლობალური ჩარჩოს (GBF) ეროვნულ დონეზე დანერგვის ხელშეწყობა, მათ შორის, ბიომრავალფეროვნების ეროვნული სტრატეგიისა და სამოქმედო გეგმის (NBSAP) განახლების პროცესის მხარდაჭერა, ბიომრავალფეროვნების გლობალური ჩარჩოს (GBF) დანერგვის მიზნით, ქმედებების დაჩქარება ფინანსური და ტექნიკური მხარდაჭერის უზრუნველყოფის გზით, რათა საქართველომ უზრუნველყოს ეროვნული მიზნების, ეროვნული ბიომრავალფეროვნების სტრატეგიისა და სამოქმედო გეგმის (NBSAP), პოლიტიკის და მონიტორინგის ჩარჩოსა და ბიომრავალფეროვნების ფინანსირების შესაბამისობა ბიომრავალფეროვნების გლობალურ ჩარჩოსთან (GBF).
პროექტის შედეგად შემუშავდება:
- ბიოლოგიური მრავალფეროვნების შესახებ კონვენციის (CBD) და ბიომრავალფეროვნების გლობალური ჩარჩოს (GBF) ეროვნულ დონეზე დანერგვის მდგომარეობის სიტუაციური ანალიზი;
- 2050 წლის ეროვნული ხედვა, 2030 წლამდე მისაღწევი ეროვნული მიზნები და ამოცანები, ბიომრავალფეროვნების ეროვნული სტრატეგიის სტრუქტურა;
- მონიტორინგის ჩარჩოს ეროვნული ინდიკატორები და მათი შეფასების მეთოდოლოგიები;
- პოლიტიკისა და ინსტიტუციური მოწყობის ცვლილებისა და ინსტიტუციური შესაძლებლობების გაძლიერების რეკომენდაციები;
- ბიომრავალფეროვნების ფინანსირების ინიციატივის (BIOFIN) პროექტთან თანამშრომლობით, ბიომრავალფეროვნების დანახარჯების შეფასებისა და ბიომრავალფეროვნების ფინანსირების გეგმა.
პროექტის მოსალოდნელი შედეგი: ბიომრავალფეროვნების ეროვნული სტრატეგიისა და სამოქმედო გეგმის (NBSAP) შემუშავების ხელშეწყობა.
დონორი და მხარდამჭერი ორგანიზაციები: გლობალური გარემოსდაცვითი ფონდი (GEF), გაეროს გარემოსდაცვითი პროგრამა (UNEP).
განმახორციელებელი: გარემოსდაცვითი ინფორმაციისა და განათლების ცენტრი.
პოლიტიკის განმსაზღვრელი: გარემოს დაცვისა და სოფლის მეურნეობის სამინისტროს, ბიომრავალფეროვნების პოლიტიკის დეპარტამენტი.
საკონტაქტო პირი: ქეთევან წითლიძე - პროექტის კოორდინატორი; ელ.ფოსტა - ketevan.tsitlidze@eiec.gov.ge