საიტი მუშაობს სატესტო რეჟიმში
პროექტების მართვისა და კვლევის სამსახური
სამსახურის უფროსი
- აწარმოებს ცენტრის მიერ განხორციელებული საერთაშორისო პროექტების მონაცემთა ბაზას, უზრუნველყოფს საერთაშორისო დონორებისა და პარტნიორი ორგანიზაციების მიერ მხარდაჭერილი პროექტების იდენტიფიცირებას და სისტემატიზაციას ცენტრის საქმიანობის მიზნებისა და სტრატეგიული პრიორიტეტების გათვალისწინებით;
- ახორციელებს ხელმისაწვდომ საგრანტო პროგრამებზე ინფორმაციის რეგულარულ შეგროვებას, ანალიზს და მათი გამოყენებადობის შეფასებას;
- ახორციელებს საერთაშორისო პროექტებისა და საგრანტო დაფინანსების მოსაპოვებლად აუცილებელი დოკუმენტაციის – მათ შორის, კონცეფციის, საპროექტო წინადადების, სამოქმედო გეგმის, ხარჯთაღრიცხვის, საპროექტო განაცხადის – მომზადებას და შეთანხმებას ცენტრისა და სამინისტროს შესაბამის სტრუქტურულ ერთეულთან;
- ახორციელებს ცენტრში მიმდინარე და ახალი საერთაშორისო პროექტებისა და გრანტების ადმინისტრირებას, რომელიც მოიცავს მათი დაგეგმვის, შესრულების, მონიტორინგისა და შეფასების პროცესებს საგრანტო ხელშეკრულებებით დადგენილი პირობების დაცვით;
- ახორციელებს პროექტების მიმდინარეობის მონიტორინგსა და შეფასებას, ამზადებს შუალედურ და საბოლოო ანგარიშებს და უზრუნველყოფს მათ დროულად წარდგენას დონორებისთვის, ცენტრის ხელმძღვანელობისა და სამინისტროს შესაბამისი სტრუქტურებისათვის, საქართველოს მოქმედი კანონმდებლობისა და დოკუმენტაციის წარმოების დადგენილი წესების შესაბამისად;
- უზრუნველყოფს საერთაშორისო პროექტების ფარგლებში დაგეგმილ კოორდინირებულ და შედეგზე ორიენტირებულ აქტივობების განხორციელებას, მათ შორის ბენეფიციარებთან, კონტრაქტორებთან, სახელმწიფო სტრუქტურებთან და დონორებთან ეფექტური კომუნიკაციის გზით;
- უზრუნველყოფს კოორდინაციასა და კომუნიკაციას დონორებთან, პარტნიორ ორგანიზაციებთან, ბენეფიციარებთან, კონსულტანტებთან და სამინისტროს შესაბამის სტრუქტურებთან, საერთაშორისო პროექტების ეფექტიანად განხორციელების, გამჭვირვალობისა და ანგარიშვალდებულების უზრუნველყოფის მიზნით;
- უზრუნველყოფს ცენტრის სხვა სტრუქტურულ ქვედანაყოფებთან თანამშრომლობის კოორდინაციას პროექტების მიზნობრივი, ეფექტური და თანმიმდევრული განხორციელების მიზნით;
- უზრუნველყოფს განხორციელებული საერთაშორისო პროექტების მონაცემთა ელექტრონულ რესურსებზე ასახვასა და მუდმივ განახლებას, მათ შინაარსობრივ ანალიზს და დაგროვებული გამოცდილების გაზიარებას ცენტრის სტრატეგიული დაგეგმვისა და საქმიანობის გაუმჯობესების მიზნით;
- ამზადებს ანგარიშებს, რეკომენდაციებს და წინადადებებს საერთაშორისო პროექტების სისტემური მართვის, საგრანტო პროცესების გამჭირვალობისა და ცენტრის საქმიანობის ეფექტიანობის გაუმჯობესების მიზნით;
- ხელს უწყობს გარემოსდაცვითი და აგრარული პოლიტიკის ანალიზს, არსებული ტენდენციების შესწავლასა და განვითარების პროგნოზირებას;
- ხელს უწყობს სცენარებზე დაფუძნებულ დაგეგმვასა და გრძელვადიანი სტრატეგიული ანალიზის მომზადებას;
- მხარს უჭერს მტკიცებულებაზე დაფუძნებული პოლიტიკის მომზადებას, კვლევების დაგეგმვასა და შედეგების ინტეგრირებას საჯარო პოლიტიკაში;
- ჩართულია სექტორული რეფორმების და პოლიტიკის ცვლილებების ზეგავლენის შეფასებაში;
- მონაწილეობას იღებს პოლიტიკის რეზიუმეების, პოზიციის დოკუმენტებისა და რეკომენდაციების მომზადებაში სამინისტროს შესაბამისი დეპარტამენტებთან ერთად;
- მხარს უჭერს სასოფლო-სამეურნეო ცოდნისა და ინოვაციების სისტემის სტრუქტურულ განვითარებას და ინტეგრაციას კვლევით, საგანმანათლებლო და პრაქტიკულ ინსტიტუციებს შორის;
- ხელს უწყობს ეროვნული და საერთაშორისო კვლევითი ინსტიტუტების, უნივერსიტეტებისა და ექსტენციის ცენტრების პარტნიორობას;
- ახორციელებს ფერმერებისა და აგრობიზნესის ინფორმირებას თანამედროვე კვლევებით და ინოვაციური მეთოდებით;
- ხელს უწყობს გამოყენებითი კვლევების ინტეგრირებას სოფლის მეურნეობის, ბიომრავალფეროვნების, ტყის მართვისა და კლიმატის მიმართულებით;
- აგრარული ინოვაციების გავრცელების ხელშეწყობა ციფრული პლატფორმებისა და ცოდნის ჰაბების მეშვეობით. სასწავლო რესურსების და სერტიფიცირების პროგრამების შინაარსობრივი მხარდაჭერა კვლევით მიგნებებზე დაყრდნობით.
