ესსეების კონკურსი თემაზე – „ჰაერის გზავნილი ადამიანებს“ დასრულდა და გამარჯვებულები გამოვლინდნენ

გარემოსდაცვითი ინფორმაციისა და განათლების ცენტრის მიერ გამოცხადებული ესსეების კონკურსი თემაზე: „ჰაერის გზავნილი ადამიანებს“  დასრულდა. კონკურსში ათი გამარჯვებული გამოვლინდა:

• I ადგილი – ალექსანდრე წითლიძე
• II ადგილი – ბარბარე გორგოძე
• III ადგილი – ნინო პავლიაშვილი
• IV ადგილი – კატო დარბაიძე
• V ადგილი – ლია კვირკველია
• VI ადგილი - ნინო კალანდია
• VII ადგილი - ნანა დურგლიშვილი
• VII ადგილი - ნოე ადეიშვილი
• IX ადგილი - კესო ხავთასი
• X ადგილი - მანანა ბდოიანი

გამარჯვებულები დარგის სპეციალისტებმა შეარჩიეს. ათეულს პრიზის სახით ვაუჩერები და სპეციალური საჩუქრები გადაეცათ.

ესსეების კონკურსი ერთ-ერთი მნიშვნელოვანი ინიციატივაა საზოგადოებაში გარემოსდაცვითი ცნობიერების ამაღლებისა და ახალგაზრდების ჩართულობის გაზრდის მიმართულებით.

კონკურსის მიზანი ახალგაზრდებში სუფთა ჰაერის მნიშვნელობის გააზრება, გარემოსდაცვითი პასუხისმგებლობის ჩამოყალიბება და ატმოსფერული ჰაერის დაცვის საკითხებზე ცნობიერების ამაღლება იყო.

სსიპ გარემოსდაცვითი ინფორმაციისა და განათლების ცენტრი მომავალშიც გააგრძელებს მსგავსი ტიპის აქტივობებს, სკოლის მოსწავლეებთან საინფორმაციო შეხვედრების გამართვას და გარემოსდაცვითი განათლების ხელშეწყობას.