მოსწავლეთა ესეების კონკურსი "ვერცხლისწყალი"

გარემოსდაცვითი ინფორმაციისა და განათლების ცენტრის ორგანიზებით აკაკი წერეთლის სახელობის სახელმწიფო უნივერსიტეტში მოსწავლეებისთვის ვერცხლიწყლის თემაზე ესეების კონკურსის დასკვნითი ღონისძიება გაიმართა.

ღონისძიებაზე დასავლეთ საქართველოს რეგიონებიდან გამოვლინდა 10 გამარჯვებული, რომელთაც შესაბამისი სერტიფიკატები და სამახსოვრო პრიზები გადაეცათ.

ღონისძიებას დაესწრნენ გარემოსდაცვითი ინფორმაციისა და განათლების ცენტრის დირექტორი, ია პაპიაშვილი, პროექტის „მინამატას კონვენციის რატიფიცირებისა და მისი აღსრულების მიზნით საქართველოში გადაწყვეტილების მიღების პროცესის გაძლიერება და ინსტიტუციურ შესაძლებლობათა განმტკიცება“ ეროვნული დირექტორი, ირმა გურგულიანი, გაეროს განვითარების პროგრამის (UNDP) წარმომადგენელი, ივანე წიკლაური და ქიმიის მეცნიერებათა დოქტორი, ნუგზარ ბუაჩიძე.

გარემოსდაცვითი კამპანია ვერცხლისწყლის თემატიკით გარემოსდაცვითი ინფორმაციისა და განათლების ცენტრის ორგანიზებით, გლობალური გარემოსდაცვითი ფონდის (GEF) და გაეროს განვითარების პროგრამის (UNDP) თანამშრომლობით ხორციელდება.

კამპანიის მიზანია სტუდენტებისა და სკოლის მოსწავლეებისთვის გარემოსდაცვითი ცნობიერების ამაღლება და მათი გარემოსდაცვით აქტივობებში ჩართვა.