გარემოსდაცვითი ინფორმაციისა და განათლების ცენტრსა და საბუკოს შორის მემორანდუმი გაფორმდა

გარემოსდაცვითი ინფორმაციისა და განათლების ცენტრსა და „საბუკო“ - საზოგადოება ბუნების კონსერვანციისათვის შორის ურთიერთთანამშრომლობის მემორანდუმი გაფორმდა. 

მემორანდუმი ველური ბუნებისა და მისი ბიომრავალფეროვნების კვლევის, შესწავლისა და კონსერვაციის ხელშეწყობას ითვალისწინებს.

მხარეები ერთობლივად დაგეგმავენ და განახორციელებენ:
საკლასო და საველე საგანმანათლებლო აქტივობებს;
სამეცნიერო და კვლევით ექსპედიციებს;
ბიომრავალფეროვნების დაცვისა და შენარჩუნების ხელშემწყობ ღონისძიებებს.