სიახლეები
ტრენინგი დაცული ტერიტორიების რეინჯერებისათვის
გარემოსდაცვითი ინფორმაციისა და განათლების ცენტრის ორგანიზებით დაცული ტერიტორიების სააგენტოს რეინჯერებისათვის ტარდება ტრენინგი “საქართველოს დაცულ ტერიტორიებზე სამართალდარღვევის გამოვლენა და შემდგომი რეაგირება“. ტრენინგში მონაწილეობა მიიღეს მაჭახელას, მტირალას და ქობულეთის დაცული ტერიტორიების რეინჯერებმა.
ტრენინგი ოთხი დღის განმავლობაში მიმდინარეობდა, რომელიც რეინჯერებისათვის თეორიული ინფორმაციის მიწოდებას, საველე გასვლასა და იმიტირებულ სასამართლო პროცესს ითვალისწინებდა.
ტრენინგები ხორციელდება გაეროს განვითარების პროგრამის(UNDP) მხარდაჭერითა და გლობალური გარემოსდაცვითი ფონდის (GEF) დაფინანსებული პროექტის - ,,აჭარის დაცული ტერიტორიების გაფართოება და მათი მართვის დახვეწა“ ფარგლებში.