ოზონის შრის დაცვის დღესთან დაკავშირებული კამპანია

წელს ოზონის შრის დაცვის საერთაშორისო დღე მეოცედ აღინიშნება. 

საქართველოში ამ თარიღს ერთობლივად აღნიშნავენ გარემოსა და ბუნებრივი რესურსების დაცვის სამინისტრო, გარემოსდაცვითი ინფორმაციისა და განათლების ცენტრი, ოზონის ეროვნული ერთეული და გაეროს განვითარების პროგრამა.

ოზონის შრის დაცვის დღესთან დაკავშირებით, გარემოსდაცვითი ცნობიერების ასამაღლებელი კამპანიის ფარგლებში, GIPA -საქართველოს საზოგადოებრივ საქმეთა ინსტიტუტს, გარემოსდაცვითი ინფორმაციისა და განათლების ცენტრის წარმომადგენლები ეწვივნენ. 

გაცნობითი სახის შეხვედრაზე, სტუდენტებმა ოზონის შრის დაცვისა და ოზონის შრის დაცვის მსოფლიო დღესთან დაკავშირებულ აქტივობებზე მიიღეს ინფორმაცია.