საიტი მუშაობს სატესტო რეჟიმში
სიახლეები
თანამედროვე განათლების აკადემიაში გარემოსდაცვით საკითხებზე საინფორმაციო-შემეცნებითი შეხვედრა გაიმართა
გარემოსდაცვითი ცნობიერების ამაღლებისა და ეკოლოგიური საკითხების მიმართ საზოგადოების აქტიური ჩართულობის ხელშეწყობის მიზნით, გარემოსდაცვითი ინფორმაციისა და განათლების ცენტრმა თანამედროვე განათლების აკადემიაში საინფორმაციო-შემეცნებითი შეხვედრა გამართა.
შეხვედრის მიზანი ახალგაზრდებისა და დაინტერესებული პირებისთვის გარემოს დაცვის მნიშვნელობის, ეკოლოგიური გამოწვევებისა და მდგრადი განვითარების საკითხების გაცნობა იყო.
ღონისძიების ფარგლებში მონაწილეებმა მიიღეს ინფორმაცია გარემოსდაცვითი მიმართულებით მიმდინარე პროცესების, ბუნებრივი რესურსების დაცვის მნიშვნელობის, კლიმატის ცვლილებით გამოწვეულ გამოწვევებსა და ეკომეგობრული მიდგომების შესახებ.
შეხვედრა ინტერაქტიულ ფორმატში წარიმართა, რაც მონაწილეებს შესაძლებლობას აძლევდა აქტიურად ჩართულიყვნენ დისკუსიაში, დაესვათ კითხვები და გაეზიარებინათ საკუთარი მოსაზრებები გარემოსდაცვით საკითხებთან დაკავშირებით.