ორჰუსის კონვენციის განხორციელების 2021-2024 წლების მეშვიდე ეროვნული ანგარიშის პროექტის საჯარო განხილვა

გაცნობებთ, რომ მიმდინარეობს გაეროს ევროპის ეკონომიკური კომისიის „გარემოსდაცვით საკითხებთან დაკავშირებული ინფორმაციის ხელმისაწვდომობის, გადაწყვეტილების მიღების პროცესში საზოგადოების მონაწილეობის და ამ სფეროში მართლმსაჯულების საკითხებზე ხელმისაწვდომობის“ კონვენციის (ორჰუსის კონვენცია) განხორციელების 2021-2024 წლების მეშვიდე ეროვნული ანგარიშის მომზადება.

ორჰუსის კონვენციის განხორციელების მეშვიდე ეროვნული ანგარიშის პროექტის საჯარო განხილვა გაიმართება 2025 წლის 24 იანვარს 12:00 სთ-ზე, გარემოსდაცვითი ინფორმაციისა და განათლების ცენტრის საკონფერენციო დარბაზში (მისამართი: მარშალ გელოვანის გამზირი N32გ). 

ორჰუსის კონვენციის განხორციელების მეშვიდე ეროვნული ანგარიშის პროექტთან დაკავშირებით კომენტარების გაგზავნა შესაძლებელია 2025 წლის 22 იანვრამდე, შემდეგ ელ.ფოსტებზე:

• anna.cholokava@mepa.gov.ge (გარემოს დაცვისა და სოფლის მეურნეობის სამინისტროს გარემოსა და კლიმატის ცვლილების დეპარტამენტის მდგრადი განვითარების სამმართველოს თანამშრომელი ანა ჭოლოკავა) 
• info@eiec.gov.ge (გარემოსდაცვითი ინფორმაციისა და განათლების ცენტრი) 


საზოგადოების მხრიდან კომენტარების დოკუმენტში სათანადოდ ასახვის მიზნით გთხოვთ, მიუთითოთ ანგარიშის შესაბამისი თავი, პუნქტი და ქვეპუნქტი, რომელსაც ეხება თქვენი მხრიდან წარმოდგენილი ინფორმაცია ან/და კომენტარი. 

საერთაშორისო, რეგიონულ და არასამთავრობო ორგანიზაციებს შესაძლებლობა აქვთ მოამზადონ ორჰუსის კონვენციის განხორციელებასთან დაკავშირებული ანგარიშები მათ მიერ განხორციელებული პროგრამების/ქმედებების და არსებული გამოცდილების შესახებ და 2025 წლის 1 თებერვლამდე გაუგზავნონ სამდივნოს შემდეგ ელ. ფოსტაზე: aarhus.survey@un.org