ეროვნული აგრარული ოლიმპიადის დასკვნითი ეტაპი გაიმართა

ტესტირება სამ ეტაპს მოიცავდა და მასში მონაწილეობას აგრარული მიმართულების 1000-მდე  სპეციალისტი, სტუდენტი, ფერმერი და სკოლის მოსწავლე იღებდა.

გამარჯვებულები უახლოეს მომავალში გამოვლინდებიან! ეროვნული აგრარული ოლიმპიადა, გაეროს სურსათისა და სოფლის მეურნეობის ორგანიზაციის (FAO) ორგანიზებით და საქართველოს გარემოს დაცვისა და სოფლის მეურნეობის სამინისტროს პატრონაჟით, 2021 წლიდან იმართება.

ოლიმპიადის პარტნიორია გარემოსდაცვითი ინფორმაციისა და განათლების ცენტრი, რომელიც საქართველოში გარემოსდაცვითი მიმართულებით ცნობიერების ამაღლებასა და აგრარული განათლების განვითარებას აქტიურად უწყობს ხელს.

ოლიმპიადის კონცეფციის ავტორი და ტექნიკური კომპონენტის განმახორციელებელია სოფლის მეურნეობის განვითარების ასოციაცია (ADA).

ეროვნული აგრარული ოლიმპიადის მთავარი მიზანია აგრარული პროფესიების პოპულარიზაცია.