გრძელდება რეგისტრაცია ტრენინგზე ,,გარემოსდაცვითი და აგრარული განათლება სკოლაში”

საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრი ახორციელებს ზოგადი განათლების დაწყებითი (I-VI კლასი) საფეხურის, ასევე გეოგრაფიისა და სამოქალაქო განათლების მასწავლებლების ტრენინგს - ,,გარემოსდაცვითი და აგრარული განათლება სკოლაში”.

ტრენინგის დასრულების შემდეგ, მონაწილეები მიიღებენ ელექტრონულ ცნობას, რომელიც აღიარებულია სსიპ მასწავლებელთა პროფესიული განვითარების ეროვნული ცენტრის მიერ როგორც 20-საათიანი სავალდებულო ტრენინგი.

ტრენინგი იმართება როგორც დისტანციურად, Zoom-ისა და Teams-ის პლატფორმის გამოყენებით, ისე პირისპირ რეჟიმში თბილისის სკოლების  მასწავლებლებისთვის.

პროგრამის „გარემოსდაცვითი და აგრარული განათლება სკოლაში” დანერგვის მიზნით, ტრენინგები ხორციელდება 2021 წლიდან. ამ ეტაპზე გადამზადებულია 5300-ზე მეტი პედაგოგი.

ტრენინგთან დაკავშირებით დეტალური ინფორმაციისთვის და რეგისტრაციისთვის ეწვიეთ ბმულს -  https://eiec.gov.ge/Ge/CertificateCourses/2